414 Kreisklasse 4Herren

So jetz is gar. Ja madig das 2:0 ausganga is, aber war scho verdient. Mia ham nach vorne nix mehr gmacht. Aber guad. Jetz no a Bier in da Sonne und dann Abfahrt. Und heid omds Gsindl in Neufahrn ohean. No a scheens Wochenende an alle

Abpfiff der Begegnung

Johannes Kern (5) für Dominic Fumelli (13)

Und es bricht ned ob an Legenden. Da Hans kimmd nei zum Gegner blenden mim poliertn Schädl und einfach Heisln. Und da Domi macht Platz für eam. Da Kaiser warad stoiz das du sei Nummer hosd. Jetz wirbeds durchd Luft wia de Stuin an da Weihnachtsfeier

Dominic Masion (10) für Lukas Gröppmair (4)

Gänsehaut. De nächste Legende mit da Nummer 10 kimmd. Da Maison fürn Gröpp. Sauba Männer jetz kemma nomoi hi

Christian Ruez (12) für Jacob Kern (2)

Und jetz kimmd da Ruez fürn Jagge. Sauba garbad und ois wegad ghoidn. Und jetz Ruez und Jimmy in die IV. De gräßte und schwarste IV de ma jemois ghabd ham. Einfach Legenden

Tor für FC Herzogstadt

Und dann schäbads. Hoibhoha Boi in de Box und dann kimmd a Schädl vo de Herzogstoda hi und legdn am Unte vorbei. Aber davor muas der scho geklärt wern. Zefix des hätt ned sei miasn

Andreas Freiwald (17) für Andreas Ullmann (11)

So jetz is da Freiwoid gscheid warm gmacht nach seim Kaffeekranzal und kimmd fürn Ulla nei. Sauba gwerkt wia immer. Wia so a Ackergaul mit am Pfluag hoda an gegnerischen 16er bearbeitet. Und jetz Freiwoid für die Quote

Geiler Kommentar. Scuderia Baschding hod fast wieder neigschissn. Aber nix bassiad. Aber da Samu der schlimme Finger is jetz a ermahnt. Aufbassn Buale sonst gibts an Oache Ober

Tor für FC Herzogstadt

Ja des war jetz effektiv. Über eana rechte Seitn und dann kimmd so a hoibhoher Huanasboi nei und den druggd er mit seina Wampn überd Linie. Saggra des hod nes sei miasn so schnell

Beginn der zweiten Halbzeit

Ja de erste Hoibzeit is wia da Tee bei uns auf da Bank. Irgendwia fad. Aber werd scho. Kurz vor da Hoibzeit hods no a Sandwich bei uns im 16er gem. Aber do hod da Kletthamer den eigenen zamdruggd. Und des Mittelstück war da Foite. Aber nix bassiad

Halbzeit der Begegnung

Ja oida geile Chance. Mia kemman mit hohe Bälle nach vorn und dann kimmd da Ulla nach am gestopsel zum Schuss. Leider drüber. Herausn songs das er den auf da Linie braucht. Ois Ketzer und Pharisäer de an Ulla seine Qualitäten ned zu schätzen wissen. Aber Ulla da nächste sitzt und dann verstummen alle Kritiken und werden Lobeshymnen

Ja bis jetz laffds. Mia setzn guade Akzente nach vorne aber kurz vorm 16er verlasst uns as Talent oder einfach alle Funktionen von am Körper und mia spuin wia a wuidgworne Bisamratzn

Ja bei uns san einige no unterhopft. Da Boi vo Klettham geht übern Zaun. De Spieler de an Boi hoin gehn bei uns vorbei und frong wo da Boi ungefähr hi is. Von unserer Bank kimmd nur „drüber“. Mei o mei gebds de Buam a Bier

Und sauba Konny wichtiger Lauf mim Eiskoffer. Aber da Foite is hoid ned aus Zucker und steht wieder auf. Guad so Männer

Ja bis jetz kemma über de körperliche Präsenz und ned Geschwindigkeit. Aber des ligd a nur an der Hochzeit zefix

Anpfiff der Begegnung

Heid samma in Erding bei Herzogstadt. Werd scho wern sogd Fr. Kern. Aber Wetter is perfekt. Sonnenschein und a koids Bier. Wos wui ma mehra