414 Kreisklasse 4Herren

So gar is. Leider nix gwunna. Nur an Erfahrung. Aber sauba kämpft Männer und do brauch ma und ned verstecka. Is a guads Zeichen für die kommenden Spiele und so mias ma weida spuin. Auf gehts. Und jetz zwoate gega Schwoag

Abpfiff der Begegnung

5 Minuten wern nochgspuid. Hamma perfekt analysiert. Mia kennan uns doch a wengal aus

Gelbe Karte FC Forstern

Geib fürn Gröppi. Des hod ma scho gseng das des wos werd. Jeder hods gwusst, er a. Entschuldigt sich glei aber de andan kemman und beschweren sich. Aiso des muas ned sei. Aber guad. Freistoß werd vom Nico ghoidn

Geile Ecke. Billy legd ob und da Ulla ziagd ob. Leider vorbei aber so mias ma jetz no drugga. 5 Minuten no und schauma wosa nochspuin lassd

Wechsel bei FC Forstern

Und nomoi Wechsel. Konny geht oba fürn Ulla. Auf gehts ulla nomoi sauba ackern

Und da Nico brutal. Oachariad geht mit zwoa Leid alloa auf eam zua und er hoidn. Dafür gibts Applaus aber zurecht. Sauba Junge. Und danoch werd da Samu gfoult. Und danoch flaggd wieder oana do. Aiso i woas ned da Rasen is scho geil aber das de so oft dro schnufen wuin is scho auffällig. Mias ma frong obs do wos bsondas opflanzt hom des guad riachd oder so

Gelbe Karte FC Forstern

Und do gibts de Gelbe die jeder erwartet hod weil sonst is koa Spui vo da Erstn. Tobi griagd Gelb. I zähl jetz de dann alle moi zammad. Des is so sicher wia as Amen in da Kirch

Wechsel bei FC Forstern

Mia san wieder komplett und dann werd gwechselt. Miki und Domi gehn naus und nei kemman da bladdade Billy und da Freiwoid. Jetz hamma unsere Zauberer und Budenmacher drinnen. Auf gehts

Flacher Schuss vo Oachariad und der werd no obgefälscht vom Stürmer. Geht knapp überd Lattn aber der hätt sich scho gfährlich gesenkt

Und kurz nachdem das weida ganga is hod da Bene a Rakete aufd Tribüne ballert. Do hod sich da Marc zwischen Bier und Aschenbecher entscheiden miasn. Im Bruchteil einer Sekunde hoda den Aschenbecher geopfert. Sau guad. Des gfreid mi ois Asbierant no mehra

Strafstoßtor für SV Eichenried

Ja Elfer durch a Foul vom Miki. Griagd 10 Minuten und war scho bissl zspad dro. Aber der Elfer war einfach unten rechts neighaud. Nico konn nix macha. Schod aber zumindest is da Miki ned mit Rot ganga. Aber jetz auf gehts her mim Ausgleich sofort

Beginn der zweiten Halbzeit

So jetz Hoibzeit. Sauba gspuid Männer aber no ned belohnt. Aber werd scho. Mia san guad im Spui. Oachariad is a guad dabei aber mia kennans guad kontrollieren

Halbzeit der Begegnung

Gelbe Karte FC Forstern

Und do gibts Gelb fürn Miki. Mei normales Foul aber da Schiri muas amoi a Zeichen setzen. Bassd scho. Jetz is eh glei Hoibzeit dann gehts eh entspannter weida. Kemma uns wieder sammeln

Puuh danoch werd da Tobi gfoult und geht in Bodenkampf mim Oachariada. Kurz gmoand mia wechseln ind MMA oder zum Ringen. Aber ois guad. Und davor hamma gmoand da Samu is a japanischer Schwertkämpfer weil er soi in 16er laffa und es kimmd nur als Kommando „Samu rai“. Kurze Irritation aber des is einfach jetz a sei Spitznam fürs Spui

Strittige Entscheidung. Da Oachariada nimmt des mit de Bratzn zu wörtlich und streckts aus. Berührt von unserer Perspektive an Boi leicht. Aber werd ned pfifa

Freistoß von uns der sofort returniert werd. Aber da Bene haud an langa Boi auf links aufn Samu. Der is aber mim Kopf schneller wia mid de Haxn und nimmt den direkt und haudn vorbei. Saggra aber mia gem scho guad Gas

Ja leck. Do rutscht da Miki wegad. Da Rasen schaut zguad aus das mas auf den schiam kinnan. Aiso eher schlechtes Schuhwerk dasa de Eisenstoin ausbagga hätt miasn oder er is a schlechter Stoibara, weil a guada Stoibara foid ned hi. Und de Chance danoch segelt da Nico guad naus. Saggra ein Teufelskerl

Aber beide Keeper segeln heid ganz schee durch an 16er. Aber auf beide Seiten hoidns. Auf da oana Seitn guad, auf da andan Seitn schlecht. Aber mia schiaßn scho no a Bude. De Männer san guad drauf heid

Ja mei bis jetz is guad Zug drinnen. A eventueller Elfer für uns. Konn ma pfeifen muas ma aber ned. Und ja mia san froh das ma an Nico hinten drinnen ham. Is scho über an Oachariada drüber gstoobad bei na Ecke aber alles in allem hoida no de Null

Geile Flanke glei vom Samu ausm Halbfeld, aber da Domi is a bissl zgloa und konn den Boi ned mim Kopf mitnehmen. Aber schomoi a guada Start

Anpfiff der Begegnung

So heid erstes Punktspui für unsa erste gega Oachariad. Beim Warmschiasn hamma scho den ersten Zwiggl ghabt. Aber liaba jetz drüber und im Spui dann ins Heisl des warads. Aiso auf gehts Männer 3 Punkte