428 A-Klasse 8Herren

Und jetz is gar. Ja so hoch war ned verdient aber mia ham uns a ogsteid. Ja wuid aber hoff ma das Erste des jetz besser macht. Hoids eich wos zum dringa und dann schauts de Erste no o. Bis glei

Abpfiff der Begegnung

Tor für SG Erding/Klettham

So des wars. Lassn uns nach am langa Boi schwoam und er muasn nur no nei macha. Ja war jetz aber a komplett zerfahren. Vui zu einfach. Aber ja wilde Endphase vom Spui

Fabian Herrmann (14) für Andreas Oeller (17)

Und jetz no da Harry fürn AO. Jetz nomoi Gas gem Harry do geht no wos

Dominic Masion (10) für Josef Schweiger (12)

Und jetz Dreierkette. Maison is wieder cool und wieder a guade Freistoßchance. Aber der is zu lässig treten. Jungs jetz auf. Aiso Gas Buam

Tor für SG Erding/Klettham

Und jetz unverhofft kommt leider oft und de ham de erste Chance in da zwoatn Hoibzeit und ja de machans hoid dann. Ach zefix des is echt absolut unnötig so. Aber no hamma 10 Minuten

Khalil Mohammed (9) für Dominic Masion (10)

Und da Khalil is jetz fürn Maison neikemma. Is guad so zum akklimatisieren weil sonst warad er no ganga mit Gelb-Rot. Aber jetz Khalil reiss o und Gas gem. Schwoabs no zam

Und wieder guade Chance. Robert geht durch und leggd aufn Maison ob. Aber der schiaßd eher an Keeper warm. Ach geh Jungs jetz samma wieder so guad drinnen. Machts de Bude. Und fast Seitfallzieher vom Magic. Einfach neizaubern as nächste Mal

Guada Schuss vom Hanse. Geil vom Robert aufglegd und er haud an Hammer naus. Leider links vorbei am Kasten

Tor durch Philipp Simon (7)

Und endlich gleich ma aus. Scheener Chipball aufn Schneider. Der legdn am Keeper vorbei und dann zrugg. Und dann is da Phipp do und machtn. Sauba Jungs endlich samma drinnen im Spui

Wechsel bei SG Buch am Buchrain / Forstern 2

Zur Hoibzeit Doppelwechsel bei uns. Perner und Leon san naus. Neikemma san da Phip und da Woife. Und glei danoch hamma a guade Chance. Maiso leggd ob und da Schneider haudn aufs Heisl. Aber Keeper hoidn. Guad ogfangd

Beginn der zweiten Halbzeit

Mit mehr Glück ois Verstand is Klettham vorn. A wuid aber mia ham an Elfer ghoidn und sonst hamma guade Chancen. Leider no koane gnutzt. Aber ham no a Hälfte

Halbzeit der Begegnung

Elfmeter für SG Erding/Klettham

Oida. Strittiger Elfer für Erding. Sebbe spuid an Boi aber da anda foid und nimmts dankend an. Aber da Auer hoid den sau stark. Vom Schützen unten links aber die Schranke sagt nein. Sauber Auer

Aiso bis zum 16er schauts echt top aus. Und dann gehn uns de Ideen aus. Aber kimmd scho. Wieder a Ecke für uns. Und de foid an Perner vord Haxn. Aber do wara kurz überfordert und konna ned macha. Schade aber ja mia ham scho guade Chancen

Langer Freistoß von uns. Schee mittig aber so mittig das der Keeper den einfach fangd. Schod aber zumindest a guade Idee. Aber davo kemma uns a nix kaffa

Tor für SG Erding/Klettham

Erste Chance für Klettham. Langer Boi und er nimmtn mim ersten Kontakt ins lange Eck. Ja madig. Mia druggan und dann fang mas uns hinten. Eieiei des war so unnötig wia a Schoaß

Und da Robert lassd mit links oan hi. Is hoid a hoibada Linker aber den hod da Keeper. Manche ham an Linken nur das ned umfoin aber er konn tatsächlich mit dem einigermaßen schiaßn. Geht scho no Jungs

Bis jetz schauts echt guad aus. San guad im Spui und es laffd echt rund. Aber no hamma uns ned belohnen kinna. Aber wenn ma so weida machan kimmd des scho no

Und do kimmd da Rammbock. Schneider laffd nei und tackelt zwoa um. War zwar drinnen, aber da Schiri entscheidet auf Foul. Schade aber war berechtigt

Top Chance vo uns. Schneider rutscht a wengal weg und de Flanke danoch konn da Robert fast verwerten. Leider is die Betonung auf fast. Zefix schaut echt guad aus bis jetz

Anpfiff der Begegnung

So jetz heid in Buach gega Erding. Letzter Dog vo da Wiesn und scheens Wetter hamma a. Schaumamoi wos heid so geht