428 A-Klasse 8Herren

So gar is. Ja war jetz a gscheida dasa obpfiffa hod. Ja wos soi ma song. Souverän war des ned. Höchstens von Dorfen. Aber mei. Abhaken, Bier dringa und heid aufd Nacht no nach Haag aufs Voiksfest. Scheena Samstag an alle und an guadn Durscht bei dem Sauwetter

Abpfiff der Begegnung

Und da Dorfner Anzeigenmensch wui no a Aufholjagd seng und schreibt uns no zwoa Buden auf de Anzeigetafel. Des is komplett am Publikum vorbei ganga. Aber dad auf an Hattrick vom Perner tippen

Tor für TSV Dorfen II

Und wieder vui zu einfach. Chip von links und dann steht der mutterseelenallein am zwoatn Pfosten und muas sein Schädl nur hihoidn. Ach zefix. Wia wennsd auf Fifa de Schwierigkeit auf Amateur stellst

Robert Geiselhöringer (11) für Stephan Oeller (9)

Und da Steph geht wieder naus für Bob. I glab im Urlaub durch de Hitzn is ois dehnt und gschmeidig worn aber der Temperaturunterschied hod ois zamziang lassn. Und jetz muasa wieder naus humpeln. Aber zumindest griagd da Robert no a paar Minuten

Top Parade vom Auer. Bringt seine Haxn schneller zam ois a Eishockey Keeper. Und danoch der Querpass werd gnadenlos mit Gwoid drüber gwucht. Aber guad für uns sonst warads as 6te Heisl gwesn

Tor für TSV Dorfen II

Und grod wo i vom Comeback schreib kimmd der wieder vui zu einfach vorn durch und muasn nur am Auer vorbei leng. Oida Jungs spuin am jetz E Jugend Fussball oder wos is do los? De ärmste Sau is da Auer weil der hoid nix macha konn und für de Heisl nix konn. Der werd schimpfa danoch. Koa Angst Bier zur Beruhigung is do. Oder a Kamillentee

Tor für TSV Dorfen II

Und de nächste Bude. Jetz Jungs ned komplett abschlachten lassen. Vui zu einfach konn draußen de Flanke gschlong wern und der broggd sich den Boi oba und konn an Auer sogar no frong wo er den hi ham mechad. Ja und dann schiabdan an langa Pfosten nei. Au weh gebrauchte 10 Minuten. Aber mia ham no Zeit zum zruggkemma

Tor für TSV Dorfen II

Und Eckentor. Scharf nei und dann köpft da Dorfner knalp unter da Lattn nei. Da Auer griagd seine Pranken leider ned schnei gnua nauf. Ja des is jetz bläd aber muas ma song leider a verdient

Und fast nomoi so a Heisl. Da Dorfner stoibad schwindlig durch unsan Strafraum und stopseltn irgedwie aufs Tor. Aber hod do no gfoult. Des warad jetz a bitterer Doppelschlag gwesn. Aber zum Glück obpfifa

Tor für TSV Dorfen II

Okay und wieder a Comedytor. So eine Scheißbude. Maison schlogd a Bogenlampe Richtung eigenes Tor. Da Auer geht hoch und da Dorfner a no. Auer lassdn los und da Dorfner muasn nur no neischiam. Es werd sich beschwert das a Foul war, aber wars hoid leider ned. Ja madig

Fabian Herrmann (14) für Josef Schweiger (12)

Und Harald Krummhaar kimmd fürn Seppe. Sauba Seppe guad gspuid. Und jetz zaubert da Harry oan auf

Philipp Simon (7) für Robert Geiselhöringer (11)

Und Wechsel zur Hoibzeit. Da Robert geht naus und nei kimmd da Phip. Sauba Robert jetz grod wos regnet schee aufd Bank flezn. Und da Phip gibt jetz Gas und haud Dorfen a Bude nei

Beginn der zweiten Halbzeit

Wetter wia im April. Vorher ward Sonn herausn und jetz sintflutartig hauds ois oba wos geht. Wia aus Kiben hods as grod obaghaud. Wuid is des

Bissl irritiert aber da Schiri pfeift pünktlich ab. Ja Dorfen hod mehra vom Spui aber machans ned. Und mia verteidigen echt guad. Ja bassd dann bis glei amoi

Halbzeit der Begegnung

Tor für TSV Dorfen II

Und jetz is doch no bassiad vor da Hoibzeit. Guade Kombi und alle unsere Haxn san zkurz und dann muasan nur no neimacha alloa vorm Keeper im Strafraum

Stephan Oeller (9) für Lukas Schneider (16)

Und jetz da Urlaubssteph fürn Schneider. Dem zwickts in da Leistn. Aber klar de Dorfner pöbeln das er schneller runter geh soi. Naja wenns auf de Minute okimmd woas i a ned

Und do hamma scho gmoand der 8er macht an Ausgleich aber schiaßdn vorbei. Jessas Glück ghabt

Da 2er von Dorfen hod am Ruez vorher ned zuagschaut und glernt. Aiso des war de schlechteste Hand de ma bis jetz gseng ham. Sorgt schomoi für an Lacher herausn

Freistoß vo Dorfen aber da Abpraller werd direkt aufn Auer. Puuh Glück ghabt. Pfeiff ob Schiri damit da Auer wieder moi zu 0 spuid

Tor durch Philipp Perner (18)

Und Heisl vo unsam besten Spieler heid. War da zwoate Abpraller. Erst da Maison, dann da Robert und dann hods da Perner zum Glück neigmacht. Sauba Männer

Ah leck. Da Maison hod no koa Reaktionsgeschwindigkeit. Heid an Beruhigungstee in da Fria drunga? Aber dann der letzte Steckpass werd vom Schneider am IV ind Haxn gspuid.

Von de Chancen bis jetz schee ausgeglichen. Dad moi song auf jeder Seitn oa guade Chance, aber nix bsondas sonst. Do is Wetter bis jetz spannender

Erster Slapstick Moment. Aiso des hätt jeder Comedy Autor ned besser schreim kinna. Da Leon grätscht an Ball hoibhoch weg und gegan Ruez. Der spuidn vorm Körper mim Arm und foid hi. Hoda einfach macha miasn

Anpfiff der Begegnung

So heid samma in Dorfen. Wetter wiss ma no ned wos macht aber zumindest oana is gerüstet mit am Regenschirm aber grod kimmd Sonn a wengal naus. Aber jetz schauma moi wias spui werd. Gut Kick in die Runde