428 A-Klasse 8Herren

Und dann is gar. As Spui vo da ersten kennds leider ned im Ticker lesen weil i jetz nach Minga zum Football schaun fahr. Aber fois wos bassiad es san gnua Leid zum zuaschaung do. Aiso vui Spaß und scheena Sonntag

Abpfiff der Begegnung

Tor für FC Lengdorf II

Und weils ned glangd no oans. Eher a verunglückte Flanke aber ja de foid a no nei. Oida wos ein Scheiß.

Und vom Lengdorfner Kas mechd i a a Stiggal probieren. Weil de hom anscheinend an Kaaser aber i woas ned wers is. Aber des find ma no raus

Ja leck. I glab am Khalil hams ins Wasser an Rausch nei do. Schiaßd aber so gnadenlos Richtung Seitenaus das der ned moi ins Aus geht. I woas ned wosn do grittn hod aber wos gscheids wars ned

Wechsel bei SG Buch am Buchrain / Forstern 2

Doppelwechsel. Maison und Leon gehn naus und nei kemman da Sebbe und da Omar. Jetz schauma moi ob de no wos reissn. Vor allem da Omar vor seiner Perle. Aiso auf gehts eibomben und uns den Punkt no hoin

Leon werd droffa und ligd aber do spuid koana an Boi naus. Kurzer Disput zwischen Schiri und Auer aber is geklärt

Tor für FC Lengdorf II

Aua Baba. Do zaubert er den durch de Haxn vo unsrer IV und dann steht der alloa vorm Heisl. Ja und dann duadan nei. Oida Foida des duad weh

Puuh Abseitstor von Lengdorf. Do hamma Glück ghabt das da Winkel zspitz worn is. Und dann guada Angriff von uns. Da Max beisst si fest wia a tollwütiger Terrier. Der macht des stark. Und jetz werd da Unte laut. Zurecht.

Khalil Mohammed (7) für Wolfgang Wagner (13)

Und jetz kimmd da Khalil fürn Woife. War heid manchmoi ned sei Dog. Aber jetz Geschwindigkeit mim Khalil. Aiso jetz Khalil Gas gem und ned larifari rumtorkeln

Ruez war kurz raus wegen Verletzung aber geht wieder. Und da Khalil kimmd glei nei

I glab da Keeper vo Lengdorf duad si heid no selber weh. Der foid ummanand des is wuid. Selten sowos gseng

Tor für FC Lengdorf II

Ja und guad aufghead und stark nachglassn. Eigentlich a Foul und koa Heisl aber ja werd laffa glassn. Und dann schlenzt an nei. Konn da Auer nix macha leider

Andreas Oeller (17) für Robert Geiselhöringer (18)

Und in da Pause kimmd da AO fürn Roberto. Blanco san aber nur de Haar.

Beginn der zweiten Halbzeit

Halbzeit der Begegnung

Tor durch Lukas Bauer (2)

Geht aufn Auer. Aber geil. Da Keeper hod Flutschfinger und mit Gwoid druggdn da Luk nei. Ud glei danoch werd zur Hoibzeit pfiffa. Perfekt an Unte sei Anweisung umgesetzt. Des is da Vorteil an so einfache Kommandos wie „jetz machts vor da Hoibzeit no as 2:2“. Meace Unte

Strafstoßtor für FC Lengdorf II

Tor vom Menschn mit da krassesten Frise aufm Platz. Vogge und Schnauzer mit angedeuteter Halbglatze. Wuider Mensch. Aber der war gschenkt der Elfer. Benny zum Auer „des is immer des selbe Eck“. Aber welches das is des woaß koana so genau. A da Auer ned weil der drinnen is leider

Stark vom Ali und mit am Lupfer vorglegd. Aber da Schneider schiaßd an Zwickl. Der is eam verrutscht. Aber da nächste geht

De Gloa sogd am Coach a das er sich beruhigen soi. Do konn ma ned andas ois auf si zum hean. Goldig

Tor durch Dominic Masion (10)

Steph auf Max, Max auf Maison Tor. Schöne Kombi im gegnerischen 16er. Sau guad gmacht. Verdienter Ausgleich

Scheena Komet vo Lengdorf. Done der war für di. Ein Bilderbuch Komet

Und an recht windign Keeper hams a. Gloane Berührung und er foid zam wia a nasser Sack. Aiso bissl vui Theatralik für A Klasse. Und dann Abseitstor vom Maison. Ach do kommd heid wieder ois zam

Tor für FC Lengdorf II

Und i sogs no. Jeder aber ned da Mory. Und wer machts nach dem Freistoß? Da Mory. Zefix nomoi nei. Aber mia griangs ned geklärt. Und er stoibadn nei. Ach leck

Und scheena Gruaß an 6er vo Lengdorf. Mory bitte ned wieder heisln gega uns. Sonst huif i da nimma in da Arbad

Do kann doch irgendwer Fahndlwinga. Kimmd ebba umma. I mog ned i muas tickern Freunde des gepflegten Fussballs

So jetz bin i endlich do. Aber ham glab i scho zfria ogfangd. Saggra des hamma ned eikalkuliert. Aber werd scho

Anpfiff der Begegnung

Serwas heid gega Lengdorf in Buach. Manche wern sich frong wo steht da Koro am Platz sign i no ned? Ja i steht no dahoam und wart aufn Fahrer. Des werd knackig. Aber mia schaffans scho. Aiso wer des liest richts schomoi wos zum dringa her mia san glei do