Frauen BayernligaFrauen

Ja wuid. Aiso zwoastellig hamma scho a Zeidl nimma ghabt. Aber geil jetz scho 12 Heisl gseng. Sauba Mädls souveräne 3 Punkte und sauba wos fürd Torstatistik gmacht. Und jetz feierts eich. Mia san natürlich a dabei auf des ein oder andere Kaltgetränk ;)

Abpfiff der Begegnung

Tor für FC Ingolstadt 04 II

Okay. I glab des war einfach Mitleid. Lily steht do wia vom Blitz droffa und denkt sich wuin ma ned so sei do lass ma eana no wos macha. Aber des is reine Ergebniskosmetik

Tor durch Julia Finsterwald (20)

No Julia no zweistellig. Oida stark. Und jetz a no a Kopfboi Tor. Leck de brennt und hod heid Bock. Do werd danoch no gfeiert. Uns gfreids. Aber 5 Minuten aufm Platz 2 Heisl i glab des is scho lang nimma gwesn und safe a Rekord

Tor durch Julia Finsterwald (20)

Und kaum is drinnen heislds. Ja saggra so vui Gas gem brutal. Julia hob i ehrlich ned erwartet das du so schnell bist. Aber lass mi gern eines besseren belehren

Wechsel bei FC Forstern

Und Doppelwechsel. Deissi und Yvi san nau. Julia und Lang Vroni san neikemma

Tor durch Veronika Auer (11)

Da DJ griagd 2€ weil this girl is on fire bei 8:1 spuin. Leg do griagsd ja fast an Schlaganfall. Aber jetz hod Vroni nomoi oans gmacht. Ja sauba 8:1 sau guad fürs Torverhältnis

Hod scho Brasilien vs Deutschland Vibes. So vui Tore schee. Jetz muas danoch de A Jugend genauso abliefern

Tor durch Vanessa Meingaßner (21)

Und glei no oans. I konn gar ned so schnell schreim wias heisln. Saggra. Sauba gmacht Vani. Chipt und sie duadn gefühlvoll neileng. Sauba weida so

Tor durch Veronika Auer (11)

Und jetz werd gheisld wia am Fließband. Vroni laffd durch und legd schee an da Keeperin vorbei und schiabdn nei. Aiso jetz mehra ois de Wiesnbayern heid gega Bremen. Aber jetz ned aufhean sondern zwoastellig

Tor durch Yvonne Dengscherz (27)

Aber jetz hod sie sich endlich den erkämpften Lohn abgeholt und machts einfach. Schee quer glegd und dann schiabdsn nei. Sauba. Genausovui Heisl wia de Bayern

Aiso der Kiwispritz is echt guad sogd Sandra. Abee wenn der gflong warad warad der no besser gwesn. Und eigentlich is der a gflong. Ja Sandra hosd nomoi Glück ghabt

Und Yvi legd fast as 5te nach. Aber da Schuss war zseicht. Vielleicht nach dem Sprint de Kraft ausganga? I glab einfach ned gscheid droffa

Tor durch Vanessa Meingaßner (21)

Und glei no amoi. Na ned da Pedro Pedro hods gmacht sondern Vani unser Kopfball Ungeheuer. Ja leck machts den schee. Langer Pfosten und einfach nei damit. Ach schee weida so Mädls

Goaßmaß für uns aber nur weil da Schiri pfeift muas ja des Auto ned leiden. Aber war koans von uns. Und i glab hi is a ned. Soweit i des vo da Terrasse beurteilen kann

Tor durch Veronika Auer (11)

Jetz hob ichs gseng. San ja jetz bei uns. Und Vroni hods gmacht. Disco Party Sahne und Sahnestart in de zwoate Hoibzeit. So konns weida geh

Beginn der zweiten Halbzeit

Umkämpfte erste Hoibzeit aber hammas ja positiv umme brachd. Jetz a Viertelstunde sammen und dann de drei Punkte dahoam hoin. Bis glei mitanand

Halbzeit der Begegnung

Vani hod glab i an Ohrwurm vo de Hoizhacker Buam und fällt de Gegnerin wia a scheene Fichtn im Woid. Aber so elegant das koa Kartn gibt. Hut ab schee gmacht

Tor für FC Ingolstadt 04 II

Ah leck. Langer Boi und mia legna elegant vor und dann muasn nur no neihaun aus 11,37 cm. Ja madig madig hod sich ned so obzeichnet aber jetz ned aufstecka Mädls des bringt uns ned owe

Jetz hob i bei unsam Schuss extra aufd Nummer geachtet, es war Luci, und dann hoids den Boi. I glab i muas öfter wegschaun vielleicht foid a Heisl. Und kaum schreib ichs warads fast bassiad. Aber hob zschnei vom Handy auffa gschaut zefix

Tor durch Yvonne Dengscherz (27)

Mia wissns ned genau. Entweder Yvi oder Luci. Aber trotzdem unschlagbar guad und eiskoid. Genauso vui Heisl wia da Reiter heid Schläg zum Ozapfa brauchd hod. Sauba Mädls jetz weida so und hauds eana vor da Pause no oans nei

I woas ned ob des kostet aber Hane hod jetz im foin Vani umghaud. Meace für de Unterhaltung und des Slapstick. Auch für die Lachmuskeln werd gesorgt

Aiso grundsolide Leistung is heid vo unsere Damen. Sau stark. Und hinten drinnen Hane is einfach a Bank muas ma moi song

Ja de Wiesn Preise schlong sich auch bei uns nieder. Da waradn fast de Eintrittspreise erhöht um an Euro. Aber no samma ned deia. Aber auf a friedliche Wiesn und a torreiches Spui

Tor durch Julia Deißenböck (17)

Und scho schäbads. Is auf da andan Seite deswegen hob ichs ned gseng. Aber trotzdem schee von links in die Box und zack bumm wara drinnen. Und glei no Nachtrag natürlich wars Juli. Sauba do zoi i da a Hoibe danoch

Grod bassiad no ned so vui aber zumindest is as Wetter sau schee. Grod richtig für an scheena Fussball Samstag. Aber schaut eigentlich stabil aus bei uns

Anpfiff der Begegnung

Heid hamma Ingolstadt bei uns do. Grod pünktlich an Sportplatz kemma. Ham ja no an unsam Bauwagen werkeln miasn. Sau guad und jetz a Hoibe