Frauen BayernligaFrauen

Ja jetz is gar. Aiso i hob den geilsten Tickermarathon jetz a überstanden aber war echt schee heid. Guade Spiele gseng, glacht und gfeiert und Gaudi ghabt und jetz gehts weida mit da Abschlussfeier und do gibts no a Bierle und a Berta und sonst wos. Aiso jetz Abfahrt und feiern. Und an Fürth meace fürs Spui war a guada Kampf und jetz gemma Gas beim Feiern. Abfahrt und nur da Fc Forstern

Abpfiff der Begegnung

Tor für SpVgg Greuther Fürth

Do hob i mi sauba verratscht aber is hoid so. Egal trotzdem sauba kämpft und guad gspuid und einfach a scheena Abschluss wenn ma jetz dann no zam feiern. Auf de Hoiben und sowieso a Dicke Berta

Viola Leibold (13) für Julia Engstler (10)

Und Vio is grod no fürd Julia kemma. Sauba gwerkt und Vio du spuisd oder redst eh die Gegnerinnen schwindlig. Auf gehts

Veronika Lang (14) für Veronika Auer (11)

So und jetz Vroni für Vroni. Aiso d‘Auerin geht oba für d‘Vroni Lang. Sauba gwerkt Vroni und jetz Vroni Voigas gem. Einfach top de Vronis

Finja Sluka (8) für Yvonne Dengscherz (27)

Und Finja is grod fürd Yvi kemma. Stark gwerkt und de Seitn beackert. Und jetz Finja absolut Abfahrt

Franziska Stimmer (9) für Helena Altenweger (5)

Und jetz kimmd Franzi fürd Hele. Sau guad gspuid und wieder stabile Leistung nausghaud. Und a as letzte Heimspui. Brutal wia lang du scho beim Fc Forstern warst und gspuid hosd. Danke für de Zeit und hoff ma dasd a entspanntes Karriereende hosd und nur no zum zuaschaun und vielleicht a bläd daher reden. Wia gsogd danke für de Zeit und deinen Einsatz. Nur da FcF

Tor für SpVgg Greuther Fürth

Und dann foid wieder oans. I schreib grod no de Lobeshymne aufd Vani und bam hauns uns wieder oans nei. Zefix aber Mädls is no vui Zeit um des zum drahn. Auf gehts

Tor durch Vanessa Meingaßner (21)

Und mia ham dann an Lattentreffer aber dann denkt sich d‘Vani „Leck mi am Osch dann mach ichs hoid seiba“ und kämpft sich durch und druggd den Boi nei. Sauba Mädls weida so

Tor für SpVgg Greuther Fürth

Ja do schiaßns glei des nächste Heisl. Zefix

Beginn der zweiten Halbzeit

Und zum Hoibzeitpfiff samma wieder dro. Stimmung is sau guad und mia ham a scho a Bingo und guad Bier do. Aber schaut echt guad aus. Auf a guade zwoate Hoibzeit

Halbzeit der Begegnung

Tor für FC Forstern

Ja geil Anschlusstreffer. So jetz samma wieder do. Aber gseng hob ichs ned auf de Distanz wers gschossn hod. Aber weida so Mädls jetz schwimmans

Und dann dreff ma a no as Alu. Zefix Ladies ins Tor ned aufn Rand. Aber mia näher uns o und lauern wia a Löwin auf da Jagd

Ja vui bassiad do jetz ned. Aber is eh glei Hoibzeit. Und dann reissts eich sauba zam und drahts des Gspui no zefix. Aber do hob i vui Hoffnung das des no werd weil ihr seid hoid einfach Maschinen

Tor für SpVgg Greuther Fürth

Ja wuid. Aiso Ecke wars himmeweit ned und ja dann machansn a no de Bude. Aber saggra des war unnötig. Egal ihr drahts des scho no Mädls

Fast foisch tickert. Rucki hod sich weh do aber is doch wieder nei kemma. Weida kämpfa Ladies

Tor für SpVgg Greuther Fürth

Ja leck do drahn de as Spui wia so a Spax ins Breddl. Kurz gmoand es is Abseits aber wars doch ned. Aber so vom Verlauf her eher a Unentschieden. Aber sagge ham no gnuag Zeit

Tor für SpVgg Greuther Fürth

Und do fang ma uns den Ausgleich. Ja zefix. Aber positiv mei Daschn is auftaucht. War doch in da Damenkabine. Meace an Samu der hods gfundn

Tor für FC Forstern

I hobs ned ganz gseng, aber geil wars scho. Sauba Mädls weida so. Und des Tor war scho vor 10 Minuten. Aber schaut sich guad o des Spui

Anpfiff der Begegnung

So und jetz no de Damen gega Fürth. De Kleeblättler als Moasta dahoam. Glückwunsch schomoi und jetz auf a guads Spui. Auf gehts Mädls