Frauen BayernligaFrauen

Ja sauba. Sau geils Spui. Zu Null gwunna und Stern 6 Buden neighaun. Oida is des stabil. Ja sogds Bescheid i zoi eich a Dragal. 3 Punkte und Samstag. Nur no a scheens Wetter dad ma braucha. Aber egal des dring ma uns schee. Feierts eich und war echt mächtig. Glückwunsch Mädls

Abpfiff der Begegnung

Tor durch Julia Engstler (10)

Und do machd die Julia ihr Heisl. Aber i dad song 90% gehn aufd Lena. Sau stark und geiler Boi ind Mittn. Einfach a Machtdemonstration. Sau stark Mädls i zoi eich a Dragal danoch

Tor durch Veronika Auer (11)

Ja oida heid bassd ois. Vroni macht an Freistoß aus am spitzen Winkel vo rechts und der foid schee am langen Pfosten nei. I woas ned ob de Stern Verteidigung normal Tennis schaut oder als Hobby Ornithologie betreiben aber wie schaun nur wos Fliagads nach. Aber guad für uns

Tor durch Vanessa Meingaßner (21)

Ja leck. Vani denkt sich „des mach i moi“ und sie machtn. Sau stark. Keeperin kimmd ned so guad vom Boden ob und is aber a a bläde Höhe. Aber geiler Schuss und Bombentor. Einfach mächtig

Julia Engstler (10) für Julia Finsterwald (20)

Ao und jetz Julia kimmd Julia. Ja aiso vo de Kommandos werd sich nix ändern. Aber Julia schnauf moi durch und Julia du gibst jetz Gas. Und falls ma moi wos ned sigd so wia i brauchd ma hoid an Zureziaga. Geiler Ausdruck des is mei Wort des Tages

Wechsel bei FC Forstern

Doppelwechsel. Yvi und Finja gehn naus. Nei kemman Luci und Vroni. Unsere Wadlbeisserin und Mittelfeldgegnerinnenzerfislerin. Und Vroni einfach a bockstarke Verteidigerin. Auf geht Mädls de 3 Punkte lass ma uns nimma nehma

Alina Jungwirth (22) für Johanna Kink (3)

Und jetz is Alina fürd Hane kemma. Sauba kämpft und des sigd ma a am Trikot. Aber ghead so. Und jetz konn d‘Alina ackern. Sauba gmacht. Und gei danoch haud Lily a Monsterparade naus und Yvi kämpft sich sauber durch. Starke Aktion

Beginn der zweiten Halbzeit

Aiso hab grod erfahren das as zwoate Heisl die Yvi gmacht hod. Ned das bäs is oder so aber des mias ma scho richtig stein. Sauba Yvi geile Butze. Do griagsd a Hoibe vo mir danoch

Halbzeit der Begegnung

Tor durch Finja Sluka (8)

Sauba Finja. Auf gehts sau stark. Machts no a paar Buden weil de Jungs spuin Bingo und pro Bude sans 5 Schlücke. Aber war stark raus gspuid und wieder moi souverän abgeschlossen. Aber hob nix andas erwartet. Stark Mädls

Tor für FC Forstern

Jetz hob i vor lauter Aufregung fast as Tor vergessen. Mia hams über an Kopfboi gmacht, aber i hob ehrlich gsogd ned gseng wers war. I schiabs auf mei Bruin und mei schlechte Sicht. Aber sau stark Ladies. Jetz samma dabei und kennans schee obaspui. Stark

Vui bassiad ned. Mia sinieren grod über Radlweiten und wos ma dafahrn konn. Und a übers Neichinger Gauditurnier vom Stüberl. Aiso wer sich no ned ogmeid hod machts mit oder schauts zua. Des werd a Gaudi

Tor durch Finja Sluka (8)

Jabadabadu. Und do schäbads. Finja setzt sich stark durch in da Box und haud den nei do werd as Tornetz brutal belastet. Sau stark Mädls

Vui gibts no ned zum Tickern. Des oanzige wos konstat plätschert is da Regen aber genauso rieselt as Spui dahi. Aber eher samma mia in da Hälfte von Stern

Anpfiff der Begegnung

Uh saggradi heid gehts auf. Unsere Damen spuin gega Stern Minga. Do is Feia drinnen. Und mia wern des scho gwinna. Aiso jetz Stimmung und auf gehts