U 17 LIPP Cup 24/25B-Junioren

Weil jetz is gar und grod schee wars. Sauba Jungs echt geil gmacht und sauba den Sieg ghoid. Wos soll i song war hoid verdient. Sauber lassds ejch feiern und jetz dring i a Hoibe mit de Trainer auf den Sieg

Abpfiff der Begegnung

Und in da 11 Minute da Nachspuizeit no a Freistoß von uns der echt a scheene Banane gmacht hod und an Pfosten an Stab obagschäbad hod. Ja mei bassiad aber scheena Schlusspunkt

Bitte lass Kirchasch ned Leverkusen sei das de bei 8 Minuten Nachspielzeit no zwoa oder drei Buden machan. Aber macht nix den Anschein

Und ja des war ned Ernst gmoand es werd nur no boizt wia aufm Hartblods

I glab do is zvui EM gschaut worn weil as Spui laffd immer no. Aber bassd seng ma no guadn Fuaßboi von uns

Vo Kirchasch liggd wieder oana. Der muas naus zoangs o. Schiri pfeif ob is eh scho rum do bassiad nix mehr

Fabian Korus (12) für Linus Schröder (16)

Und nomoi gwechselt Fabi fürn Linus. Jetz umma reissn und de nächste Runde klar macha zu Null. Sauba Jungs

Dominic Günther (13) für Vincent Berger (9)

Und da Domi kimmd fürn Berger Vinc. Ja jetz no wos naushoin und no a Butze macha. Auf gehts Buam nomoi ois neihaun

Guada Freistoß vo uns aber a guad ghoidn. Ja mei. Des lass ma eam. Und Wechsel werd okündigt bei uns. Is des wieder ein taktischer Geniestreich vom Trainerduo? Mia weans glei seng aber san gspannt wia a Gitarrensaite

Tor für FC Forstern

Und dann foids und jetz belohnen sie sich endlich dafür. C Jugend rastet mit da Trommel aus. Aber bei dem Tor konn ma nur eskalieren. Sau stark Jungs mehr ois verdient

Und dann ballern wia a Flipperautomat aufn Keeper von Kirchasch. Voigas Jungs

Meace schomoi an unsere Jungs vo da C Jugend de auf da Tribüne Gas gem wiad Sau. Da kocht da Hexenkessel. Starke Stimmung Jungs Respekt

Spieler vo Kirchasch liggd am Boden. Hoffentlich nix wuids er liggd scho a wengal. Guade Besserung an der Stelle

Tobias Schmid (11) für Levin Korb (8)

Tobi kimmd fürn Levin. Fast a Gelbe weil er zfria eineglaffa is. Do hob i schomoi oane griagd. Mei des warn no Zeitn

Finds a geil wie schwimmend da Bache de Coachingzone auslegd. Ein Augenschmaus. Steht aktuell an da Mittellinie. Aber so muas sei

Vo de Korchoschner Fans werd a Rode Kartn gfordert. Furztrocken von Bache „der war neba eam“. Ach geil dafür schaud ma Fuaßboi und dafür muas man einfach gern ham

Tor für FC Forstern

Und endlich foids. I hob de Nummer auf de Weitn ned lesn kinna aber endlich. Und war echt a scheena Schlenzer aus da Distanz. Schee gmacht. So jetz auf Buam jetz is da Knoten hoffentlich platzt

Und scho wieder. Starker Vorstoß in 16er aber dann verstoiban mas. Zefix jetz langsam werds Zeit für a Heisl. Mei Damal zuckt scho immer Richtung Tor Button aber i glab de wuin mi ärgern de Buam. I glab ja da Ingo und da Bache wuin mi pflanzn und zögerns naus de Hund

Und wieder an sauban Strich hilassn aber da Kirchoschner Keeper bringt no sei Bratzn hi und lenktn vorbei. De Ecke is brotlose Kunst leider

Und weida geht de wilde Fahrt. Glei naushaun und dann voigas heisln

Beginn der zweiten Halbzeit

Und do endet de erste Hoibzeit. Ja saggra. Wenn ma im Fussballlehrbuch a Beispiel für Chancenüberfluss braucht dann nemmts des Spui

Halbzeit der Begegnung

De Murmel wui hoid a ned nei. Geiler Freistoß vom Timo und Kopfboi aber so knapp am Tor vorbei do bassd koa Muggaseggl mehr dazwischen

Linus Schröder (16) für Ben Schneider (7)

Kurz vor da Hoibzeit nomoi Wechsel bei uns. Linus kommd fürn Ben

Und top ghoidn vom Lenny legg des war a Glanzparade. Ja oamoi kemmans hi aber mia ham hoid a Mauer im Heisl. Stark gmacht

Aber warad schlecht für mi weil wer recht hod zoid a Maß

Für de Statistiker unter uns. Torchancen 14 zu 1 für uns gefühlt. Mia schiaßn top aus allen Lagen aber no kimmd nix zählbares naus. Zefix jetz schiaßds endlich as 1:0 dann platzt da Knoten. Versprich i eich

Und nomoi a Chance. Aiso jetz ballerns naus unsere Jungs do kimmsd mim schaung nimma hinterher. Aber leider hod no koana an Weg ins Heisl gfundn. Aber wenn ma so weida machan foid scho no oana nei. Immer dro bleim Jungs

2€ ins Phrasenschwein. Wennsd as vorn ned machst fangst as da hinten. Langsam mias mas echt moi macha. Aber vo Kirchosch kimmd ned vui aktuell. Ned das ichs jetz verschrei

Kirchasch klärt und da Bache beweist Manuel Neuer Skills und fangt den Boi aus 1,684 Meter souverän. Aiso wenn du no nix vor hosd mia kanndn immer an Keeper braucha. Danoch werds wuslig wia im Ameisnhaufa im 16er vo Kirchasch

Guada Schuss von uns. Da Jagge lassd oan hi do ziagd sogar as Gros an Kopf ei. Starker Schuss aber a guad pariert

Fois wer no ned gmerkt hod da Woife is unser Schnitzelconnoisseur vom FcF

Scheene Fragen do herausn. Do werd über verletzte Schlüssel und kranke Schlüssel usw. Und am Ende kommd naus das Alina an Schlüssel wui. Bedingung is a Schnitzelflatrate für an Monat fürn Woife. Er nimmt a Schnitzelsemmeln. Find i a guade Idee. Sie überlegt no

Oida leck. Da Kirchoschner Keeper hod spontan a dritte Hand dazua griagd. D‘Lattn. Ja wuid. Geile Flanke und stark köpft aber er druggdn hoid gegad Lattn und dann naus. Do warn ma scho haarscharf an da Führung dro

No ruhiger Beginn. Aiso ois gemach und mit Ruhe und Gelassenheit. Mias ma ja ned glei übertreim bei dene Temperaturen

Anpfiff der Begegnung

So nachdem ma gestern de C Jugend beim Pokal scho ogschaut ham schauma uns heid natürlich a die B Jugend heid ho. Auf gehts Burschn des gwinnts scho