Bayernliga QualifikationB-Juniorinnen

Ja leck. Des war wuida wia a aufgscheichda Henastoi. Zum Schluss hamma ois versuachd, aber nix mehr nauskemma. Jetz hoff ma auf Schützenhilfe. Aber bassd scho Mädls davo ned demotivieren lassn. Guad kämpft aber mei. Werd scho

Abpfiff der Begegnung

Saggra. De Keeperin denkt sich a Ausflug ins Grüne is a ganz schee und mia miasadn an Boi nur no aufs Tor bringa. Aber leider daneben. Ach heidanei. Aber jetz de Bälle auf de Bude und dann mach ma des Heisl scho no

Arisa Shabani (19) für Eliana Arevalo Medina (5)

Und Arisa kimmd fürd Eliana. Aber ned wega der Aktion vorher. Aber Arisa jetz Gas gem und wenn du moi rauslaffst einfach am Luggi vorbeihupfa oder so. Aber a Eliana starks Spui gmacht

Do wern Erinnerungen an Christian Streich wach. Ja leck Luggi du warst a schomoi standhafter. Eliana laffd durch weils hoid kämpft wiad Sau und laffd an Luggi übern Haufa. Aber nix bassiad Coach und Spielerin gehts guad. Herrlich

Laura Anders (11) für Paula Peter (8)

Und Wechsel bei uns. Paula geht runter fürd Laura. Guad gspuid und jetz Laura ois neihaun und aufs Tor drugga. Auf gehts

Tor für SC Regensburg

Und dann klingelts wieder. Ecke und bam is da Boi drinnen. Kopfboi hoid. Aiso Ecke ausm Lehrbuach muas ma song. Aber Mädls ned untergiang lassn und weida werka mia machan des scho no

Beginn der zweiten Halbzeit

Kurz vor da Hoibzeit hamma no de Chance. Haaland wias as nennan. Aber leider drüber. Und damit gehts ind Pause. Bis glei

Halbzeit der Begegnung

Heid is glab i da Dog vom Eigenbeschuss. Mia fahrn vorher uns gegenseitig zam und jetz schiaßd de Regensburgerin ihre Kollegin de am Boden ligd ab. Beste Unterhaltung

Tor für SC Regensburg

Gruzefix. Mia stehn höher ois da Kirchturm und dann samma offa wia a Scheinator. Und ja dann muasn nur no alloa neischiam. Jetz aber wieder konzentrieren und Abfahrt. Mia hoin uns den Sieg scho no

Ja leck. Geiler Freistoß und der hupft auf und auf und geht knapp am Tor vorbei. De Keeperin hod gachaut wia a Schweibal wenns blitzt. Aber leider ned drinnen. Aber de san guad und miasn öfter so kemma. Weida so Mädls

Tor durch Hannah Mang (6)

Toooooor in da oanazwanzigstn Spielminute. Sau stark gspuid und Hannah kimmd durch. Und dann ansatzlos neighaud. Mit einer Bierruhe hods des gmacht. Sauba Mädls grod richtig so

Was ein Luftloch. Oder das der Boi ned kaputt geht. Aber guada Angriff von uns. Da Druck steigt wia in am Dampfkessel. Guad so Mädls immer weida bearbadn

Ja ham scho zwoa drei guade Chancen ghabt aber san hoid des Duddal zlangsam. Do oamoi zvui aufziang oder ned schiaßn. Aber im Großen und Ganzen schauds echt guad aus. Weida so Mädls

Unsere Mädls rumpeln sich selber übern Haufa. Geht ja guad los. Aber zumindest de Gegnerin ned dawischd sonst hätt da Schiri an Maxe zückt und sie hätt glei unter de Dusche geh kinna

So heid spuin unsere Mädls gega Regensburg. Weite Anreise aber a top Arena. Aiso jetz auf gehts. Und schomoi festhoidn nächste Woche Samstag großer Fuaßboi Tag. Erste und zwoate Herren ham as letzte Spiel der Saison und danach souin no unsere Damen. Aiso fett im Kalender markieren und vorbei kemma

Anpfiff der Begegnung