U 17 (B-Jun.) KK ED RRB-Junioren

Ja jetz is gar. Schod das ma verloren ham aber Buam trotzdem guad kämpft und lassds an Kopf ned hänga. Trotzdem Guad gmacht Jungs

Abpfiff der Begegnung

Wechsel bei FC Forstern

Au weh da Jagge muas naus. Guade Besserung glei amoi von meiner Seite. Aber des werd scho. An Forsterner Bua haud so leicht nix um. Auf gehts Buam nomoi Gas gem und drahts as no

So jetz hamma oan ogschlongna vo uns ghabt, aber geht ois wieder. Mia san ja ned aus Zucker. Aber sonst geht grod nimma so vui nach vorne für uns. Und kaum sog ichs hamma a Chance. Aiso jetz voigas Bubn und hauds as eana um de Ohrn

Tor für (SG) Eichenried/Moosinning

Ja saggra. Do hamma wieder guad gstartet und dann fang ma uns glei de zwoate Bude. Ach Burschn jetz hamma zum Glück no bissl Zeit zum drahn. Auf gehts Grün

Beginn der zweiten Halbzeit

Ja und jetz is Hoibzeit. Mia machans guad aber unser Chancenverwertung is hoid de von am Erdhiwe. Sau hoch aber nix zählbares. Aber ned an Kopf hänga lassn, sondern einfach weida macha und de Bude treffen. Und unser Tiger im Käfig da Bache legt de Coachingzone a sehr weid aus. Aber guad so und werd scho. Und mei de ham oans aber dann mach ma hoid no Fünfe. Auf gehts Buam

Halbzeit der Begegnung

Und de Oachariada schlaffan aber mia griangs ned ganz hi des auszunutzen. Sauba Jojo guad gseng

Und dann hams wieder a Chance weil da Lenny an kurzen Ausflug macht und naus kimmd. Aber nix bassiad den homs drüber gsemmed

Tor für (SG) Eichenried/Moosinning

Ach ja i woids grod schreim das i jetz an Zwiggl ins Phrasenschwein schmeiß. Machst as vorn ned fangst as da hinten. Und genauso is bassiad. Gefühlt de erste Chance das ma am Lenny scho an Liegestui bringa woidn und dann stobslnsn in 16er und dann haudan unter dLattn. Ach greiz gruzenäsn nomoi nei

Und wieder stark oblegt und dann lass ma wieder oan hi. Aber wieder ned ins Heisl. Saggra di. Jetz machts as

Ja brutal is der schnei. I glab da Jojo hod zwoa Jetdüsn unter seine Schuah. Und dann mit einem Haggl das normal jedes Fuaßglenk bricht lassdan aussteing und schiaßd. Und do hod ned vui gfeid. Sauba Jungs weida so

Und Trinkpause

Timo Ganter (10) für k. A. (12)

Und jetz kimmd da Timo nei. Der zerwergld eh jede Verteidigung wia da Hasselhoff an Burger. Und a unser 12er (i woas grod an Nama nimma) hod a guad garbad und muas oafach moi durchschnaufa. Auf gehts Buam

Oh jeh. Jetz warn ma grod wia de Bayern im Bratofen bei de Amis. Schiaßn und ham de Chancen aber machans ned. Zefix. Aber werd scho Jungs des griagds hi

Und Fazit. Nach da ersten Viertelstunde schauts echt guad aus. Geht munter hin und her und ma merkt de Jungs de 30 Grad laut Opfehandy Wetter ned o. Weida so laffd guad Jungs

Ja brutal. Da Jake lassd einen Strich hi brutal. Jeder Mathematiker hätt sich über so a grode Linie gfreid. Und merkt a da Keeper. I glab dem brennan de Bratzn wiad Sau. Wirklich stark gmacht

Anpfiff der Begegnung

Ja grias eich God aus da Sommerpause. Zumindest bei uns weil heid hamma Oachariad zum Spitzenspiel unsrer B Jugend do. Und deswegen samma beim wärmsten Wetter am Sportplatz und unterstützen de Jungs. Aiso auf a guads Spui