FS/H/K-FS/D/I/1Herren

So gar is. Ja war echt guad zum oschaun und hod ois Hand und Fuaß ghabt. Sauba Männer und a wenns a 0:1 war nehmts de Erfahrung mit und des starke Spui. Aiso in diesem Sinne scheena Omd no und bis Sonntag zum Spui vo da zwoatn gega Woibadsdregg

Abpfiff der Begegnung

Aiso Fazit ziag i jetz moi glei jetz. Echt guad gspuid aber de Chancenverwertung war hoid ned guad. Aber trotzdem geiler Kampf und guade Leistung. Kemma alle zufrieden sei und echt vui mitnehma. Sauba Männer des Bier habts eich verdient

Foite wieder nei soweit i des gseng hob. Aber Buam machts de Bude jetz

Gröppi, Foite, Tobs (heid ohne Gelbe Karte), Marco , Max und unser weißer Brasilianer aber mehra behaart da Schmoiz san naus. Neikemma san da Ruez, da Niki der a starke Chance grod ghabt hod und zwoamoi gfoult worn is aber guad, da Jagge, Schneider, Manu unser neia der fürher schon im Vereinsnamen die richtige Farbe ghabt hod aber hoid ned beim FcF und da Leon ballern jetz alle zam. Auf gehts Buam

Wechsel bei FC Forstern

Ja da BfV macht Faxen deswegen konn i den Wechsel ned mit Spieler machen. Zur Hoibzeit hamma an Keeper gwechselt. Nico is naus und Stef is nei. Nico sau guad a wenn er glei de erste Strafe heid kassiert hod. Und da Stef gibt Gas

Und i forder jetz offiziell bei am Neubau a Fenster beim Klo das ma aufs Spuifeld sigd und nix verpasst. Dann konn i ohne schlechtes Gewissen aufs Heisl geh

Tor für SpVgg Altenerding

Ja und glei zum ersten Spui a Klassiker. I geh aufs Klo zum Bisln und dann foid a Tor. Wia ausm nix macht Oidadding aus 0,2638482 Chancen a Butze. Saggradi. Aber Männer ned an Kopf in Sand stegga und dann ballern ma no zwoa nei

Oida mia ham no koane 2 Sekunden gspuid und scho hamma a Chance auf de Bude. Aber do werd zruggzong aber bassd ja. Is a Testspui. Aber des war wieder a Chance für uns. Aber werd scho wern Männer

Beginn der zweiten Halbzeit

Ja sauba. Erste Hoibzeit rum unter unsam neuen Trainergespann dad i song. Und des is besser wia de im Pferderennen im Circus Maximus im oidn Rom. Sau stark. Und unsere Männer hom echt Gas gem und guad garbad. Nur mit de Chancen gehns ned so zielsicher um. Aber mei da Hax muas hoid geölt werden. Mia ham ja a Eisspray und WD40 im Koffer. Werd scho Männer

Halbzeit der Begegnung

Und dann wieder. Langer Boi. Samu geht durch de Abwehr wia a hoaß Messer duach a gfroane Butter. Und dann wui er quer leng weil fährste quer siehste mehr. Aber des war bissl nach vorn und da Max steht im Abseits. Gruzefix. Chancenverwertung wia a Blinder beim Tontaubenschiaßn

Ja leck. Und scho wieder a Chance. Langer Boi und da Samu laffd aufn Keeper zua. Aber der geht obe wia a Bahnschranke und hoid den Boi. Zefix machts as hoid amoi. Gefühlt 48 zu 1,56384 Chancen. Ja Buam jetz machts as hoid fix Lettn nomoi nei. Aber werd scho. Und als Belohnung hod Coach Leo a Bier dabei. Am Riemen reissn und dann Koim in Hois schmeißn

Aiso alles in allem muase song das guad ausschaut. Laffd guad hinten wia vorne. Aber de Heisl mias ma hoid macha. Aber werd scho. De Oidaddinga ham a scho a Chance ghabt aber a vorbei. Bassd scho Männer weida so

Ja wuid. Guada Start und dann macht da Keeper von Oidadding an Kranichstil. Aiso irgendwia staksig und sau windig. Und dann kimmd da Samu vorbei. Er schiaßd, er schaugd und dann is da Boi an da Lattn. Und der Abpraller landet beim Max und der jagt eine Langstreckenrakete Richtung Trainingsplatz das grod so schäbad. Jausa machts den hoid Männer. Aber guada Start

Anpfiff der Begegnung

Heid hamma glei as erste Testspui dahoam aufm heiligen Rasen gega Oidadding. Saggra Kracher zum Auftakt. Deswegen lests alle fleissig an Ticker oder no besser kemmds runter und unterstützts de Männer