Frauen BayernligaFrauen

Ja saggra di jetz is gar. Mei wos soi ma song. Jeder konn mit dem Punkt leben aber im Grunde warad a a 0:0 gerecht gwesn. Ja egal jetz is umme. Aiso no a Bierle und dann ab auf de Couch. Bis moing mitanand

Abpfiff der Begegnung

Tor für TSV Theuern

Ah ja jetz is wos bassiad. Mia stehn Spalier für de Gegner und ja dann hauns as uns nei. Hod sich abgezeichnet und is a fair. Dad i song jetz kannda obpfeifa

Ja mia ham scho gwechselt. Aber i woas grod nimma wer wia neikemma und nausganga is. Aber do is a gleich. Entspannter Kick in da Maisonne

Beginn der zweiten Halbzeit

Meace Schiri jetz is Hoibzeit. Ja wos soi ma song. Müder Kick. Aber mia san vorn. Egal jetz kurz wos dringa und dann ab in de zwoate Hälfte

Halbzeit der Begegnung

Aiso as Spui gibt ned vui her. Aber mia sinieren grod wia ma an Wal ind Kiesgruam griang bzw wia der do landn kanndad. Ja mia san drauf kemma, dasa wia da Free Willy vom Hirschboch übern Sportplatz ind Kiesgruam hupfa kannd. Oder mit am Heli. Ach schee jetz werds philosophisch

Starker Schuss von uns. Sonst recht blutleeres Spiel vo beide Seiten. Klar es is hoaß, aber trotzdem is des a entspannter Samstagskick

Tor durch Veronika Auer (11)

Ja stark. Freistoßtor für de Bayern und dann schiaßn mia a glei oans. 50 Leid auf da Terrasse und koana hod gseng wers gmacht hod. Aber wenn ma song a Vroni decken ma schomoi a Drittel der Mannschaft obdeckt. Egal mia san vorne

Anpfiff der Begegnung

Ja saggradi heid in da KiesgrubenArena gega Theuern. Ja des werd teuer. Hahaha den griagds umsonst. Aber i glab jeder der vo gestern no geschädigt is lests an Ticker schee entspannt im Liegestui. Aiso jetz reiss mas umma Mädls