414 Kreisklasse 4Herren

So und dann is gar. Wia immer is zum Schluss bissl hitzig aber ois easy. Hamma de 3 Punkte dahoam in da KiesgrubenArena bhoid. Sauba Männer und de zwoate machts genauso jetzad

Abpfiff der Begegnung

Gelb-Rote Karte für Bastian Keilhacker (10)

Basti geht oba. War zwar Vorteil usw aber egal. Jetz bringts as umme Männer

So jetz pfeif ob is eh scho gar. Wuid das de no zwoa Buden in oana Minute gmacht ham. Aber jetz wupp mas weil is eh scho gar. Wichtige 3 Punkte in da KiesgrubenArena. Sauba Männer guada Start. Und jetz machd de zwoate des gega Woifgang genauso

Tor für FC Fraunberg

Okay doch zweid ausm Fenster glehnt do kimmd no oans. Buben wuids jetz mei Pumpe testen oder wia ? Heads auf mit de Faxn und spuids as oba. Aber ja san no 5 Minuten. Werd scho

Tor für FC Fraunberg

Des wars mim Zu Null Rüscherl fürn Nico. Schade aber mei den Ehrentreffer gönn ma de Frouaberga. Egal lang is nimma und do lehn i mi weid ausm Fenster des wern ma nimma verlieren

Wechsel bei FC Forstern

Und glei zur Bude wieder Doppelwechsel. Hoize und Maison kemman fürn Tobs und an Max. Aiso fürn Terrier und an Brecher. Aber Tobi heid ausnahmsweise ohne Gelb. Egal geil gmacht. Und jetz Maison lass die Klasse aufblitzen und beim Hoize woase ned wo i ofanga soi weil der gestern scho wia a Brecher hinten drinnen gsouid hod und jetz einfach des genauso macha werd. Auf gehst Buam

Tor durch Bastian Keilhacker (10)

Und wer wenn ned da Basti. Des is so sicher wia as Amen in da Kirch das der a Bude macht. Aiso des is scho schee. Weida so Männer

Samuel Boateng (9) für Andreas Ullmann (11)

Und do gehda oba. Jeder Adlige kannd sich a Scheim obschnein so elegant und edel wie er von Platz weicht. Einfach a geils Spui vo dem Hawara und leider koa Hattrick. Aber do hod ned vui gfeie. Stark Ulla einfach stark. Und jetz hod da Samu wieder den einfach Auftrag. Ackern und Heisln. Klingt nach Handwerk, aber na er souid grod Fuaßboi

Wechsel bei FC Forstern

Jawoi Doppeldeckerwechsel. Samu und Ali gehn oba. Und Felix und da Philipp kemman nei. Ja es is a Wechsel vo de zwoa Philipps an den Ticker vo Klettham. De hams letzte Woche vertauscht de Wuidn. Aber egal fürs Rückspui koa Angst do bin i am tickern und a wenn ichs ned seh hobe meine ganzen Helfer am Spuifeld verteilt. Auf gehts Buam jetz hauts eanan no oa zwoa nei. De Torbilanz gfreid sich und mia a

Do woid ern zu schee macha. Flanke nei und Samu kimmd zum Schuss. Aber den woida so lasch macha do hod a Bladdl Papier mehr Spannung. Aber egal mia führen und machan scho no a Heisl

Und dann is tatsächlich de erste Chance in da zwoatn Hoibzeit vo Fraunberg. Freistoß nachdem da Ali moi Präsenz zoagd und de Fraunberger moi de Grenzen aufzoagd. Aber der Nachschuss geht eh vorbei aiso ois easy. Mia machan jetz dann glei no die Tore Nummer vier und fünf und dann is des gar

Beginn der zweiten Halbzeit

Halbzeit der Begegnung

Strafstoßtor durch Maximilian Faltlhauser (4)

Ja do machda des mim Lupenreinen zunichte. Aber zurecht. Foite is hoid unser zuverlässigster Schütze der einen so eine Ruhe am Punkt hod do is sei Puls nach am Sprint bei 10e. Da Doggda dadn scho für Scheintot erklären. Aber sau stark. Und Samu hods guad gmacht und der Elfer war a berechtigt. Und damit gehts in de Pause und ind Kabine

Au weh des is a Zwiggl fürn Coach. Herausn kemma de Tipps wia immer. Drüberleng, nee so schnell. Egal Mannschaftskasse gfreid sjch. Aber egal weida so Männer

Zefix do is eam da Hax ausganga. Mia dribbeln uns geil in die Box nei nachdem da Ulla de Fraunberger Abwehr schwoabd und dann kimmd da Samu zum Boi. Aber do war wia gsogd hoda zkurze Steizn. Aber werd scho. Ulla egal obsdn jetz no machst oder ned. Jetz scho a Bewerbung ois neuer 9er in da KiesgruamArena

Tor durch Andreas Ullmann (11)

Ja soi ein wuida Hund macht der sei zwoate Bude. Ulla zwanzg Minuten hosd no dann kannsd da no an lupenreinen hoin. Ulla i zäi auf di. Dann griagsd danoch sogar a Goaßmaß (beschte Übersetzung - Ziegenliter). Sauba Männer imma weida so und de Tordifferenz aufwerten

Au weh. Basti flankt geschmeidig vo da Grundlinie zrugg und do kimmd mei Trainerkollege (mia ham gestern überigens 3 Punkte mit da A Jugend in Dafkirch ghoid) zum Kopfboi. Und glei danoch arbad da Samu a wieder am Gegner das der scho Sterndal sigd so schwindlig is dem. Freistoß kimmd guad aber werd ghoidn. Sauba Männer weida so

Ja sonst de Anfangsphase is eigentlich ganz guad aber entspannt. Und an alle de wegam Wetter bissl Schädlweh ham oder so. So a Weißbier federt a wengal des ganze ob. Homs gsogd

Tor durch Andreas Ullmann (11)

Ja und do is da Ulla zur Stelle. Hoibhohe Flanke und dann kimmd der Hame zum Boi mit seim Hax. Jawoi sauba Männer genau so weida. Und ja an da Tormusi arban mia no. Ham no a bissl mehra Auswahl

Anpfiff der Begegnung

So es is angerichtet. Schee dahoam in da KiesgrubenArena. Und jetz glei de erste und direkt danoch die Zwoate. Auf gehts Buam 6 Punkte Sonntag. Des dad schmecka wia a Schweinsbron mit Weißbier. Auf gehts Grün