414 Kreisklasse 4Herren

Jetz is gar. Ja mia ham scho no a bisse higschnuppert aber is nix naus kemma. Egal trotzdem a saugeils Spui und verdienter Punkte. Ja Buam mia ham die Serie vo Dafkirch gebrochen. Sauba Männer feierts den Punkt und den habds eich redlich verdient. Starkes Spiel Männer. Sauba Fc Forstern

Abpfiff der Begegnung

Philipp Hoffmann (3) für Bilale Mardi (17)

Jetz kimmd da Philipp unser feinfüssiger Fiesla und Trainer-Multi-Talent. Auf geht ois nei. Und da Billy unser italienische Knotenmaschine muas naus. Do hods sauba in Oberschenkel neigschossn. Guade Besserung

Gelbe Karte für Tobias Keserü (6)

Es is so sicher wia as Amen in da Kirche. Tobi hoid sich de Gelbe ab. I mach ma jetz dann moi de Arbad und suach naus wia vui er hod. Einfach legendär. Tobs bester Mann - jetz scho legendär weil de Statistik bestimmt alles je Dargewesene ins Nirvana befördert

Und an alle de moanan i versamm wieder wos. Na i war grod auf 00 und es is nix bassiad. Griagds ois so live das sogar vor Ort no a Minute Verzögerung ham

Ja hui do kemman die Ecken. Sau stark vom Billy der in de Box geht und de Ecke naushois. Basti schlogds aufn langa Pfosten und do geht da Tobs hoch und legdn zrugg. Dann Flipper und wieder Ecke. Aber de griangs klärt de Hund. Aber werd scho Männer. Gas gem und genau so weida

Samuel Boateng (9) für Max Lindenblatt (16)

Zur Hoibzeit Wechsel bei uns. Da Max muas naus weils im Hax zwiggd und da Samu kimmd nei. Aiso i dad song da oanzige Unterschied is das da Samu 3 Meter weida einwerfen kann sonst ned vui. Aber Max guad gwerkt und gwusld und jetz Samu mach de Gegner einfach aufm Bierdeckl naß und schwoabs daher. Auf gehts

Beginn der zweiten Halbzeit

So jetz is Hoibzeit. Ja i muas song war scho geil vo uns. Vui Chancen und a sonst nix foisch gmacht. Aber hoid des oane goane Manko is des Gegentor. Aber jetz Jungs durchschnaufa und dann Dampfwalze und überrollts as. Hoids eich wos zum dringa und dann bis gei

Halbzeit der Begegnung

Tor für BSG Taufkirchen

Und dann geht so a Gangalboi nei. Der werd so hundsmarrisch obgfelscht das das da ned ausdenga konnsd. Aber jetz ned aufhean is grod da Ausgeich

Tor durch Bastian Keilhacker (10)

Klingelingeling. Na do is ned da Postla sonder da Basti. Er macht a feines Haggal und dann haudan nei. Sauba Männer genau richtig. Und Basti. Do ziag i mei Kappe weil an Huad hob i ned auf

Und nomoi a Schuss. Aber da Keeper is echt ned schlecht muas ma neidlos anerkennen. Aber werd scho no. Irgendwann foid dem a oana nei. Weida a Batterie abfeuern Jungs

Oida der Dafkirchner glab i hod zvui Dampfhammer von Send-Ling gschaut. Saggra di des war wuid. Aber Nico steht scho wieder. Ham grod gmoand da Unte der grod kemma is muas sich glei umziang. Aber steht. Der Junge is hart im nehmen. An dem prallt a a Güterzug ab wia a Bladdl Papier

Jausa do hods moi kurz a Schnitzal gem. Foite is no in da Nachtschicht vom Schädl her aber ois easy griang ma scho geklärt. Aiso ois guad. Und jetz wieder so nach vorn wia de letzten 20 Minuten

Aber wos ma nach na Viertelstund song muas mia ham scho zwoa guade Chancen ghabt. Aiso jetz muasa nur no nei. Aber des nach vorn schaud scho schneidig aus

Oida is des eine geile Grätsche vom Billy. Aiso i glab der hod sich Highlight Videos vom Lahm ogschaud so geil wia der grätscht. Und jetz is der Mensch koa gleanda Verteidiger sondern unser Wusler und Tormaschine. Sauba Billy

Recht ruhige Anfangsphase bis jetz. Spui laffd so und vui bassiad jetz ned. Aiso no sich mit da Spannung no in Grenzen. Aber werd scho no zum aufhoazn

Anpfiff der Begegnung

So jetz gehts glei los. Flutlichtkrimi in da Kiesgrubenarena. Gänsehaut meine Freunde. Und mit da Einlaufmusik glei no 100moi mehra. Aiso jetz auf a spannendes Spui und an geilen Abend. Auf gehts Forstern !!!