414 Kreisklasse 4Herren

So jetz is gar. Ja wos soi i song. 3 Punkte dahoam in da Kiesgruben Arena. Flutlicht is o und jetz gemma Gas. Verdienter Sieg und Glückwunsch Männer. Mia hams alle gwusst das mas kennan. Und jetz Gas Gas Gas. Auf gehts Grün

Abpfiff der Begegnung

Wechsel bei FC Forstern

So den Doppelwechsel unterschlong ma ned weil de Jungs bringan a no eanan Einsatz und Engagement. Oder guad deitsch Angaschmo. Maison und Tony san nei fürn Bene und an Max. An de zwoa de naus san. Guad gspuid. Bene hinten wie immer mit einer Ruhe das ma scho fast sein Puls fühlen wui ob er scho no do is. Und Max der jetz spanisches TickiTacka perfektioniert hod. Und ja wos soi i song. Maison bringt einfach eine Aura mit do drahn sich de Sonnenblumen vor Respekt um. Und beim Tony unserm Allzweckwerkzeig schrumpft sowieso jeder Gegner auf 3,824862mm zam. Auf gehts Buam machts as gar und jetz feiern ma de 3 Punkte

Lukas Gröppmair (15) für Philipp Alletter (7)

Und jetz kimmd unsa Leuchtturm hinten drinnen fürs Arbeitsbiest im Mittelfeld. Meace Ali sau guad gmacht und a mit na Bude belohnt. Und jetz Gröppi dein Schuah oba spuin. Aber ned flexn du bist koa Schlosser sondern a Zimmerer

Tor für SpVgg Altenerding II

Ja Klassiker. Do gehts oamoi as Bier ausleeren und dann foid as Tor für Oidadding. Aiso i geh jetz nimma bisln weil dann foid koans mehr. Aber egal des wupp ma umme Männer. Auf de 3 Punkte dahoam. Viertelstund no und dann hammas baggd

Bilale Mardi (17) für Tobias Keserü (6)

Und jetz geht da Tobs unser Capo. Heid ausnahmsweise ohne Gelbe Karte. Aber wenn de Freindin zuaschaut muas ma sich scho zamreissn. Na grod a Gaudi. Sauba Tobs guad gwerkt. Und jetz Billy zauber eana no oa zwoa Budn nei. Auf gehts Forstern oana geht no

Uiuiui a ganze Batterie vo uns. Samu geht aufn Keeper zua aber der is zu flink. Der konna aber ned hoidn aiso schiaßd da Ali. Der werd vo Verteidiger kurz vor da Linie geklärt. Und dann hauman a no and Lattn dro. Ja legg do gehts zua. Aber grod richtig so Männer

Tor durch Philipp Alletter (7)

Ja guada Start in de zwoate Hoibzeit. Ali die Maschine nimmt sich einfach an Schuss und ja haudn nei. Ohne Servus, ohne Ansatz und einfach trocken. Genauso Junge. Stark gmacht. Weida so Männer. Heid poliern ma die Tordifferenz auf

Beginn der zweiten Halbzeit

Kurzer Nachtrag. Des zwoate Heisl hod allem Anschein nach da Basti Kanasti gmacht. Sauba Junge

Ja do gibts ned vui zum song. 3 Heisl, mia san vorn und spuins saggrisch guad oba. Perfekte Hoibzeit. Weida so Männer dann hamma de 3 Punkte dahoam ghoid. Auf gehts Grün

Halbzeit der Begegnung

Tor durch Samuel Boateng (9)

So und jetz hod unser Feuerwerk de nächste Raketn zundn. I schreibs grod und dann baggd da Samu o wia beim Maßkrugstemma und haud des Ding nei. Ja laffd schee wiad Isar an am Sonnentag im August. Weida Männer immer weida

Und dann Ecke ecke Tor. Abseits aber i glab des hamma ned gseng. Aber guad mia san a am andern Ende vom Platz. Egal. Aber warad hoid des dritte Heisl gwesn. Wurscht ned aufhean

Und wieder a Freistoß für uns. Der is obgfeischd und foid auf bläd no in langa Pfosten. Aber des laue Lüftchen hod uns an Strich durchd Rechung gmacht. Egal weida kämpfa Männer

Tor für FC Forstern

Wegam Datenschutz derf ma den Torschützen ned nennen. Na schmarrn. Mia war kollektiv in einem Jubelrausch das mas ned mitgriagd ham weil so guad war. An den Torschützen. Sehr guad gmacht. An die Mannschaft. Sauba Männer stabil gsouid und verdient vorne. Weida so Leid

Tor durch Max Lindenblatt (16)

Ja wias da Pep runter betn hod bei de Bayern. Ich habe die Ball ich passe die Ball. Feinstes TickiTacka. Max aufm Samu, Samu per Hacke/Außenrist zum Ali, Ali zum Max und bingobangobongo schäbads. Sauba Männer guad gspuid

Jawoi. Fast is unser Schreckgespenst scho kemma. A Standardtor. Mia griang a Ecke gega uns und der Kopfboi geht senkrecht auffe und mia stiern irgendwo in da Luft rum. Und da Oidaddinga konn sich den no aussuacha wia er den Volley nehma wui oder ob er den no dekoriert und zum Essn eilod. Aber der Volley geht dem eigenen Spieler and Hand. Aiso ois easy

Anpfiff der Begegnung

So heid Freitag Omd, dahoam in da Kiesgruben Arena, Flutlicht und a koids Bier. Es ist angerichtet. Beste Voraussetzungen das a geila Omd werd. Aiso auf gehts Grün