414 Kreisklasse 4Herren

Ja jetz is gar. Schade Männer. Aber bassiad. Ned an Kopf hänga lassn des werd scho wieder. Jetz runter kemma und a Bier dringa das besser werd. Kühlts eich ab und wia gsogd ned untergriang lassn. Auf gehts Männer

Abpfiff der Begegnung

Und er is fürn Ali neikemma

Wechsel bei FC Forstern

Und i wui ja den Einsatz ned unterschlagen da Maison is a no drinnen. Auf gehts Buam weida so

Evans Ferkah (17) für Bilale Mardi (13)

Evans kimmd no fürn Billy. Sauba Billy vorne guad Unruhe gestift und Gas gem. Und jetz Evans vorne nomoi Radau macha und Gas gem. Wenn jetz da Anschluss kimmd samma nomoi do. Auf gehts Buam nomoi ois gem

Tor für SV Eichenried

Und jetz is bassiad. Guade 10 Minuten hamma no aber so wias grod glaffa is bis jetz war des da Sargnagel. Aber mia gem weida Gas und mia ham no Zeit. Ned aufgem Männer des werd scho no. Aber des war scho gach einfach leider

Tor für SV Eichenried

Ach leck des hätt ned sei mias. Wusln vor unsrer Box rum und haun dann nei. Ach Mann wos isn des. Aber mia drahn des no Männer immer weida

Gelbe Karte für Samuel Boateng (9)

Samu griagd Gelb aber a wengal fragwürdig. Naja egal. Und gwechselt hamma a. Da Philipp geht naus und nei kimmd da Felix. Sauba Philipp geiler Volley. Und jetz Felix einfach Gas gem

Andreas Ullmann (11) für Tobias Keserü (6)

Und jetz geht da Tobs oba und da Ulla kimmd für eam. Oa Legende für de andane. Sauba kämpft Tobi und jetz druggd da Ulla dem Spui no sein Stempel auf. Auf gehts Männer

Puuh. Verdeckter Schuss aber der geht aufn Nico. Der hod a Reaktion wia a Gewehrschuss und bringt seine Bratzn no hoch. Puuh des war knapp. Aber grod gem de Oachariada wieder mehr Gas. Aber mia reissn des Ruder nomoi rum. Bin i ma sicher

Und glei no zwoa Ecken für uns. Leider nix zählbares, aber san scho guad aufs Tor kemma. Weida so Männer machts de Bude

Glei scho a guade Chance. Freistoß ausm Halbfeld vom Samu und der rutscht er dem Verteidiger übern Kopf. Und da Philipp nimmtn Volley aber leider drüber. Weida so Männer des is a guads Zeichen so aus da Kabine zum kemma. Guada Start

Beginn der zweiten Halbzeit

So ab in de Kabine zum abkühlen. I bin jetz a auf Helles umgsting weil vo dem Limo Zeig babbd da ois zam. Und Jungs jetz zamreissn und de 3 Punkte hoin. Is alles drinnen und griagds ihr auf jeden Fall no hi. Vorwärts Fc Forstern

Halbzeit der Begegnung

Gelbe Karte für Tobias Keserü (6)

Und es is ja scho Tradition. Tobs is wieder dabei und hoid sich sei obligatorische Gelbe ob. Unser Walter Frosch. Zumindest vo de Kartn her. Aber an Schnauzer drogd er genauso souverän

Tor für SV Eichenried

Eieiei. Da Ali werd umgrennt und ja dann samma bissl ungeordnet und dann schiaßd da Oachariada und jogdn unters Gebälk. Schade schade. Hätt jetz ned sei miasn so kurz vor da Hoibzeit. Aber nix kaputt is ja grod da Ausgleich gwesn. Weida Männer des hoin ma uns scho no

Tor durch Samuel Boateng (9)

Oida tankt der sich durch. Geht durche wia a warms Messer durch koide Butter. Sauba Samu starke Aktion. Und somit as 1 zu 0. Weida so Männer

Und nomoi so an Neilassa gspuid. Aber ois guad da Leo is wie immer do. Is der heid guad drauf brutal

Okay erste Aktion de fast ind Hosn gonga warad. Samu schligd an langa Boi hoamzua und do steht aber da Stürmer vo Oachariad. Keine Ahnung wos oder wen er do gseng hod. Aber do is unser griechische Mauer da Leo do und büglts wieder aus. Bassiad de besten aber ham zum Glück nix draus macha kinna. Weida Männer jetz nach vorn und Budn macha

Fazit nach na guadn Viertelstund. Es laffd so dahi. Moi hin moi her aber so richtig gache Sachan san no ned bassiad. Aber zumindest da Rußn schmeckt und as Wetter is a urleiwand. Aber des mim Spui werd scho no. Machan scho no a Bude. Und wenn ma an Maison wieder oschiaßn miasn egal. Weida imma weida Männer

Jetz damma kurz nervös worn alle. Leo rutscht weg und da Oachariada spekuliert drauf. Aber ois guad so schnell geht da Leo ned zu Boden und konn den Boi doch no verteidigen. Weida Männer werd scho

Anpfiff der Begegnung

Ja is des schee. Heid am erste Voiksfest Sonntag hamma Heimspiel in da Kiesgruben Arena bei bestem Wetter gega Oachariad. Erst spuid unser erste und versuachd den Ausrutscher von letzter Woche wieder guad zum macha. In dem Sinne auf gehts Buam hoids eich de drei Punkte das ma danach am Voike gscheid feiern können. Auf gehts FcF