414 Kreisklasse 4Herren

Ja jetz is gar. Schod wias glaffa is und so hoch hätts ned sei miasn. Aber ja jetz is gar und jetz gehma zum gemütlichen Teil über. Kopf hoch Männer is ärgerlich aber trotzdem guad kämpft und ois neighaun. Auf gehts Forstern

Abpfiff der Begegnung

Wechsel bei FC Forstern

Und zum Schluss nomoi Doppelwechsel. Harry und Niki kemman no. Und Samu und Felix san naus. Aiso Harry und Niki Gas und evtl den Anschlusstreffer

Tor für FC Türkgücü Erding

So des wars jetz. Letzter Sargnagel. Nach am Einwurf von uns kimmd a langer Boi und da Nico laffd no zrugg. Aber der chipt den hoch nei und leider foid der unter da Lattn nei. Zefix schade Männer

Tony Ihlenfeld (10) für Max Lindenblatt (7)

Und jetz Tony so guad wiasd as bei uns gmacht hosd machst as jetz bei da ersten a. Und Max guad garbad und ois neighaun. Auf gehts Buam

Evans Ferkah (17) für Dominic Masion (2)

Und jetz kimmd da Evans fürn Maison. Sauba Maison guad gwerkt und a Bude a no gmacht. Und jetz Evans brenn do vorn a saubans Feuerwerk ab und mach de Buden. Dann derfsd a jubeln wia da Lamine

Eigentor durch Benedikt Keilhacker (8)

Langer Boi und der kimmd quer nei. Da Bene wuina klären, aber klärtn leider ins eigene Tor. Zefix des hätt ned sei miasn. Ned an Kopf hänga lassn mia machan des scho no

Tor für FC Türkgücü Erding

Ja oida is des eine Kackbude. Schee gmacht muas ma eam lassn, aber für uns hoid einfach bläd. Hoher Boi und dann nimmt er den Volley und haudn übern Nico in de Bude. Ach zefix des hod jetz ned sei miasn. Jetz machts den Ausgleich Jungs des griang ma scho no

Beginn der zweiten Halbzeit

Ja oida. Jetz is Hoibzeit und davor is da Miki nausgfahrn worn aber nach allen Regeln der Kunst. Und es war mit Ansage. Und dann is obganga. Herausn wurde an Bauzäunen geschäbad. Rumgschrian. Da anda hod wia a Tollwütiger Schaum vorm Mund ghabt. Oida des war echt gach. Und jetz hamma nomoi 45 Minuten. Aiso des war jetz grod kurz davor das klatscht aber koan Beifall. Wuide Szenen zur Hoibzeit

Halbzeit der Begegnung

Tor für FC Türkgücü Erding

Und dann Tor gega uns. Nach na Ecke kimmda vom 16er Eck zum Schuss und dann werds no abgefälscht. Ja mei bassiad Männer aber ned aufstecka des hoin ma no. Weida Männer immer weida

Jetz woid i grod song de oanzige Hitzn geht grod no vom Grill mit da echt guadn Köfte aus, aber dann is a Foul und es werd schneller gschimpft ois da Lucky Luke schiaßn kon

Oder als Motivation sich vo de Nummern hoch zu spuin

Mia überlegen grod wieso da Maison als Stürmer a Nummer hod de eigentlich a Verteidiger hod. Ergebnis er bassd einfach ned in de hohen Nummern

Okay jetz kimmd a kurzer Bericht der letzten 5 Minuten. Foul vom Miki und er griagd 10 Minuten. Dann werds hitzig. Herausn werd diskutiert das da Fahndlwinger foische Richtung winkt. Macht er ned weil ers ned amoi derf. Und dann werd geredet das unsere Mädls ned diskutieren derfa mit eanane Fans weil sie wuin a ruhigs Spui ham. Dann gehts no um Flaschen und so weida. Aiso da Hass is do nach 20 Minuten. Und deswegen samma a bissl a do. Treibt de Stimmung hoch

Tor durch Dominic Masion (2)

I glab de 2 beflügelt. Er setzt nach und der Versuch zu klären prallt am Maison ab und ins Tor. Sauba Männer und stark oglaffa vom Maison. Weida so

Anpfiff der Begegnung

Und jetz de erste zum Pflichtspielstart a in Erding gega TürkGücü. Auf gehts Männer hoids eich de drei Punkte. Auf gehts Grün