414 Kreisklasse 4Herren

Ja habedieehre oida sau stark. Übermächtige 3 Punkte und ja de san absolut verdient. Servus Moana des Bier hobds eich verdient. Aiso Abfahrt. Und alle de no Bock auf Fuaßboi des Wochenende ham, am Sonntag spuin ma mit da zwoatn a no dahoam um 14:00 Uhr. Auf gehts und … SCHIED EI 3000

Abpfiff der Begegnung

Tor durch Philipp Alletter (7)

Der Mensch is wia a Boimaschine. Schiaßd und schiaßd. Und dann land der in de Maschen. Sauber Männer. Imma weida imma weida. Ja de 3 Punkte hamma im Sack dad i song. Schied ei 3000

Robert Geiselhöringer (12) für Maximilian Faltlhauser (4)

Heid nur starke Wechsel. Foite geht naus. Verhaftet wega geils Spui. Und nei kimmd da Robert unser barfuaßada Zündapp hoaza der immer no aufm Weg zur 80 Jahr Feier im Juni is. 18.06. bis 22.06. kemmds vorbei und feierts das de Bude brennt. Genauso brennt an Robert sei Spui jetzad und seim Gegner seine Oberschenkel

Lukas Gröppmair (15) für Manuel Graf (2)

Und de nächste Legende geht. Sauber Manu. Und ja jetz bist nimma da älteste aufm Blods gwesn weil da Ulla ja do war. Und jetz gfrei di auf die Dusche und des Bier danoch. Und nei kimmd unser Zimmerer Brecher da Gröppi. Der schneidt de Gegner ausanand wia an Dochstuiboikn

Bei Boiding hod da Keeper naus miasn. Guade Besserung und hoff ma nix schlimmeres. Und drinnen is da 16er der grod no in da Verteidigung gspuid hod. Und glei bei da Ecke kimmda zum Einsatz. Und dann hagelts wieder 2€ in unsa Mannschaftskasse. Immer weida so

Andreas Ullmann (11) für Tobias Keserü (6)

Eine Legende geht die andere kommt ausm Ruhestand wieder zrugg. Tobi geht oba, ausnahmsweise ohne Gelb weil a ned ganz fit is. Und ja er kimmd naus wia da Phönix aus da Asche. Ulla duad sichs wieder o und hod Bock. Ja de Centstiggal für die Statue werden fleissig gsammelt. Auf gehts Männer

Elfmeter für FC Forstern

Ja de Verwirrungstaktik vo Boiding hod funktioniert. Basti laffd o und oana geht in 16er. Zurecht zruggpfiffa. Und dann tritt er nomoi o und da Kepper hoid. Saggra di

Stark 2€ weil übern Zaun. Mannschaftskasse gfreid sich

Da Boidinga steht wieder. Aiso zum Glück nix schlimmas bassiad. Weida geht die wilde Fahrt

Au weh. Unsara ausversehen aufs Knia draufgsting. Ja leck des hod beim zuaschaun weh do. Hoff ma nix schlimmeres bassiad. Auf jeden Foi guade Besserung an der Stelle

Beginn der zweiten Halbzeit

Ja top erste Hoibzeit. Boiding hod zwoamoi nei gschnuppert in unser Hälfte. Und sonst hamma 20 Ecken ungefährt ghabt und zwoa Buden. Ja Stef Liegestui steht bereit. Ja Hoibzeit und dann Abfahrt mit de 3 Punkte

Halbzeit der Begegnung

Nächste Ecke

Und ja danoch Ecke Nummer 724. Falls wer auf da Tribüne mitgezählt hod bitte de genaue Zahl. Aber dad moi song mia ham alle ghabt und Boiding koane. Aber wia vui das warn hoid. Aber i lehn mi ausm Fenster und dad song bestimmt scho 15 bis 20ge warns sicher scho für uns

Tor durch Philipp Alletter (7)

Brutales Tor. Der Schuss hod dreimoi de Schallmauer durchbrocha und war schneller ois so mancher Jet vo da Bundeswehr. Und da Keeper woid ned zualanga. Vielleicht weils koa Freibier war sondern a Schuss vom Ali. Aber zualanga hätta miasn hodn ja scho beim draufling ghabt. Aber is a Zauberer der den Boi einfach im Tor verschwinden lassd. Sauber Männer weida so.

Tor durch Philipp Hoffmann (13)

Ja und dann platzt da Knoten. Geiler Querpass am 16er und da Hoffi machts in feinster Fussballermanier und haudn nei. Sauber Junge geile Technik. Und jetz weida aufs zwoate drugga Männer

Und Ecke Nummer 638462 de guad kimmd und a wieder zu am Abschluss führt aber ned im Kastn landet. I glab des werd jetz a Geduldsspui. Und irgendwann miasn dem Keeper a moi de Bratzn weh doa vor lauter rausfausten usw. Aber ja gibt wieder Ecke

Immer des selbe Bild. Ecke von uns. Abschluss von uns. Und dann bassd koa Bladdl Papier dazwischen aber immer auf da foischn Seitn vom Aluminium. Egal immer weida. Wia so a Gebetsmühle immer wiederholen. Stef sog Bescheid wennsd an Liegestui brauchst

Ja jetz hamma scho zwoamoi aufs Tor gschossn. Korrigiere dreimoi. Aber entweder war da Keeper dro oder knapp daneben. Egal Druck is da Leute. Aiso druggds de Damal so wia mia aufs Boidinga Tor und dann mach ma des Heisl

Anpfiff der Begegnung

Heid Freitagabend in da KiesgrubenArena. Flutlicht gega Boiding. Ja schauma moi wos des werd. Poiding hod nix zu verlieren und ja mia miasn scho no Punkte hoin. Aber mia san guter Dinge das ma heid de 3 Punkte hoin. Aiso auf gehts Männer gwinnts des Spui