414 Kreisklasse 4Herren

Jetz is gar. Unser Anzeigetafel is an ihre Grenze kemma. De konn hoid koane 100 Minuten. Egal den Punkt nehma mit und jetz deingds a Hoibe. Alle kurz durchschnaufa nach dem doch no stimmungsvollen Spui. Und dann gmiadlich a Bierle. Saggra Männer verdienter Punkt und jetz eich alle an scheena Freitag Abend und am Sonntag gehts mit da zwoatn gega de zwoate vo TürkGücü. Glückwunsch Männer.

Abpfiff der Begegnung

Gelb-Rote Karte für Tobias Keserü (6)

Jetz is da Tobs runter. Egal jetz nomoi ois übersteh

Ja oida. Einwurf Samu und der geht Richtung Tor dann. Dann obglegt und der Nachschuss werd ghoidn. Die Ecke danoch bringt nix ei. Zefix i brauch Herztabletten jetz dann

10 Minuten Nachspuizeit. Jeds is die absolute Crunchtime. Jetz werds echt gach

Maximilian Faltlhauser (4) für Leonidas Balderanos (8)

Leo geht naus nach dem Einsatz und da Foite kimmd nomoi nei. Leo geiler Elfer und stak gspuid. Alles wieder beruhigt und jetz no die letzte Phase. Jetz werds knackig

Leo is grod sauber weggrammt worn. Er liggd no. Zefix des war gach. Und jetz is Traubenbildung. Spui werd jetz versucht zu deeskalieren. Bitte Männer jetz ruhig und mia spuins oba. Und da Leo steht wieder. Saggra is des wuid

Tor durch Samuel Boateng (9)

Ja oida is des stark. Billy geht Richtung Box und legdn vor aufn Basti. Der schiaßd und geht gegad Lattn. Samu kimmd zum Kopfboi und nomoi and Lattn. Und dann tropft da Boi oba und da Samu haudn nei. Sau stark Männer. Genau so weida

Malik Can (11) für Max Lindenblatt (16)

Max geht naus fürn Malik. Max hod sei Seitn beackert wia a Pfluag. Und jetz kimmd da Malik um nomoi ois vorn nei zum haun. Auf gehts Malik du machst de Bude

Strafstoßtor durch Leonidas Balderanos (8)

Und da Billy hoid glei nomoi oan Elfer. Geht wieder nei uns werd einfach wieder gefällt. Und da Leonidas Leo Balderanos geht hi, nimmt sich an Boi. Und macht den unten links nei. Sau stark. DES IS FORSTERN !!!

Elfmeter für FC Forstern

Elfer für uns. Billy werd im Strafraum gfoult und absolut zurecht. Samu tritt an und semmed den leider übers Heisl. Zefix. Aber Männer mia san dro und san gefährlich. Weida so

Samu werd nausgfahrn und dafür klare Gelbe. Davor hod da Billy zuckerfein zaubert. So muas des Billy

Bilale Mardi (17) für Maximilian Faltlhauser (4)

Billy kimmd fürn Foite. Der hod de ganze Woch an Kadahr ghabt. Aber dafür guad gwerkt Foite. Und jetz Billy mach de Buden i hobs im Bluad das des geht

So zwoate Hoibzeit aufs Vereinsheim und i bin am Klo. Aiso machts glei de Bude Männer

Beginn der zweiten Halbzeit

Halbzeit der Begegnung

Zeitstrafe für Leonidas Balderanos (8)

Leo griagd 10 Minuten. Ja zamgrumpelt und dann hoid hitzig zum Schiri hi. Egal werd scho. Jetz in Hoibzeit und dann durchschnaufa und weida macha. Grod a Abseitstor vo TürkGücü. Jetz überstehen Männer

Eigentor durch Lukas Gröppmair (15)

Ja leck. Zwoate Chance und wieder drinnen. Ecke kimmd und foid an Gröppi unglücklich aufn Schlappen und dann ins Tor. Ach mei des is bitter. Aber wia gsogd nix bassiad. Mia san guad im Spui und ham no gnua Zeit. Auf Männer ned an Kopf hänga lassn und weida macha

Tor für FC Türkgücü Erding

Und dann foid as erste Heisl mim ersten Torschuss. Langer Boi und er köpftn mit am Bogen übern Stef lang ins Heisl. Zefix aber nix bassiad. War da erste Torschuss und mia san guad drinnen. Weida Männer immer weida

Mächtiger Komet vom Verteidiger von TürkGucü. Scheena Gruaß an Done. Ich hoffe du liest den Ticker und hosd jetz a Freudenträne im Aug. Der war so hoch den hod ma sogar mit unsam neia Flutlicht fast nimma gseng. Grandios

Gelbe Karte für Tobias Keserü (6)

Never change a running System. Tobi griags Gelb und da Gegner a. Aber kein Spiel ohne Gelb vom Tobs. Aber des is so sicher wia as Amen in da Kirch aiso nix bsondas

Und jetz Abfahrt. Musik laut und jetz alle hoaß. Seitenwahl hamma gwunna. Spuin in da ersten Hoibzeit Richtung Trainingsplatz und zwoate dann aufs Vereinsheim. Genau so muas des

Anpfiff der Begegnung

Flutlicht an, Musik laut und a koide Hoibe. Abfahrt. Heid am Freitag Abend gehts ins erste Spui der Rückrunde gegen TürkGücü Erding in da KiesgrubenArena. Mia san hoas wia Frittenfett und gspannt wias Spui werd. Und langsam fullt sich a die Terrasse. Viertelstunde no dann gehts los. Auf a geils Spui heid