435 B-Klasse 5Herren

Aiso das ma des so herschenken. Eher zwoa Punkte verloren als oan gwunna. Aber egal jetz ned ärgern am Mittwoch gehts weida und ma konn ned immer gwinna. Aiso Jungs ned hänga lassn und nach vorne schaun. Jetz dringds a Bier und schwoabds as obe den Frust. Auf gehts FcF

Abpfiff der Begegnung

Ja leck. Geiler langer Boi vom Ruez und da Tommy kimmd zum Boi. Schloggd leider drunter durch. Leider drüber. Ja und dann no a Chance. Aber is nix mehr worn. Gar is

Aber meace schomoi an Keeper. Der schaut das da Rasen ned hi werd und fliggd de Lecha. Des gfreid an Max das zumindes oana schaud. Aber jetz ois mach vorn und mia machan de Bude no

Tor für TSV Grüntegernbach II

Oida is des a Bambaltor. Langer Boi und dann werd im 16er rumpimelt und dann haunsn uns irgendwia nei. Zefix des muas ned sei. Ja jetz nomoi 5 Minuten Gas gem Männer. Ned aufgem jetz

Ja leck. Vorher an Robert no globt das er so a Staubsauger is. Aber da Ali is ja die Eleganz in Person in da Luft. Pflückt der den Boi oba. Des is zum mit da Zung schnoizn. Und dann de Chance is a wieder guad aber leider ned drinnen. Sauba Männer ned nochlossn

Ja leck. Langer Boi und da Ali geh durch und spuid aufn Maison. Der schiaßd und da Abpraller geht zum Tommy. Der setzt den Boi an Pfosten. Aiso in zwoa Schüsse scho guad angenähert. Da nächste is drinnen Tommy

Wechsel bei FC Forstern II

Und jetz geht da Roberto naus. Guad gwerkt und einfach ned aufgem. Und jetz werd zaubert. Da Magic kimmd aufn Platz. Der oide Wadlbeisser gibt sich jetz a no die Ehre gega Greadugge. Aiso in oida Manier beissn beissn beissn und an Gegner zafiesln

Und wieder a Ecke. Maison versuachds wieder direkt, aber de is jetz zkurz kemma. Aber bassd scho probiers nur

Wechsel bei FC Forstern II

Und dann gibts an legendären Wechsel. Da Leon geht naus und nei kimmd koa andara als da Tommy Rauen. Eine lebende Legende mit zkurze Wadln aber des geht ois. Des kompensiert er mit seiner Aura und seiner gottgegebenen Präsenz. Auf gehts Tommy. Und da Leon hods grundsolide gsouid und nix obrenna lassn. Sauba Männer

Glei danoch Ecke von uns. Da Maison probierts auf Zuspruch vom Jens direkt. Und wos soi ma song. Do hod maximal a Fliangschiss gfehlt so knapp wia des war. Sauba Männer guade Reaktion

Strafstoßtor für FC Forstern II

Und dann hamman. Da Manu geht nei uns werd gfoult. Ja war klar. Und da Ali geht hi und schnappt sich de Pille. Sauba verwandelt. Guad so Männer weida so

Tor für TSV Grüntegernbach II

Oh mei und dann verschrei ichs. Zefix des war so unnötig wia a Schoaß. Aber keine Ahnung wia ma uns de Bude wieder gfanga ham. Aber ned aufstecka des gwinn ma no Männer

Uiuiui. Robert lassd an guadn langa Boi naus und da Manu laffd und laffd. Aber dann vergisst er des wichtigste. An Boi. Schiasd no aber is nix nauskemma. Und dann geht da Maison direkt in da nächsten Aktion nach vorn, aber da Keeper is flinker. Ja egal werd scho Buam

Tor für FC Forstern II

Ja sauba do duadan eini. Freistoß vom Ruez und da Maison lassdn über sei Mattn rutschn. Und dann steht da Jojo do und schiabdn nei. Sauba Männer sehr wichtig und guads Zeichen glei am Anfang

Manu wieder laffa wia a Raketn und da Gröppi rammt hinten ois ob wos bei drei ned aus da gefährlichen Zone ghinkt is. Auf gehts Buam

So zur Hoibzeit wieder an Dreifachwechsel. Gröppi, Manu und Ali san nei kemma. Naus san da AO, Khalil. Gröpp is vorher scho neikemma. Jetz hamma wieder up to date wia so schee sogd

Beginn der zweiten Halbzeit

Ja Hoibzeit. Wos soi ma song. Mia san guad dabei und ham a Chancen aber des letzte Duddal fehlt no. Aber jetz mach ma in da zwoatn Hoibzeit de Buden. Werd scho Buam belohnts eich

Halbzeit der Begegnung

Und wieder a Volleychance vo uns. Und dann Angriff vo Greadugge aber da Unte klärt in Bruce Lee Style mit am eigflongna Karatekick. Oder wia da Chuck Norris. Sauba Männer jetz weida drugga und de Bude macha vor da Hoibzeit

Unte bleibt bei ma Parade a issl i Rasen hänga mim Knia. Da Ruez geht hi und richt erstmoi an Rasen. Er hod de wachen Aung vom Max scho gspiad. Aber ois guad koana verletzt und da Rasen is a wieder heil

No bassiad ned vui. Blätschad wias Wasser vo Doch. Obwoi da Regen lassd scho noch bzw head auf. Aber wia gsogd Mittelfeldgeplänkel

Ja leck hod der Robert an Zuckerfuaß. Do werdn de Tagwerk und Dyson Vertreter nervös weil des is der beste Staubsauger aufm Markt

Und dann schiaßd da Jojo und denkt sich warum ned und setzt die Ecke direkt aufs Heisl. Leider a weng zhoch und and Lattn. Weida so Männer

Wechsel bei FC Forstern II

Ja guad mia ham koana Spieler in da Liste drinnen fürn Tony is jetz da Khalil kemma. Ja jetz zerwusl de IVs und mach de Buden fürn Tony

Es is no koa Minutn oid des Spui und dann fahrts am Tony hintn nei. Zefix schaut nach Zerrung oder Faserriss oder so aus. Oa bläda Schritt und er is hi. Guade Besserung schomoi

Anpfiff der Begegnung

So heid is Wetter nix. Regnet wiad Sau. Aber egal duad dem koan Abbruch das ma heid de 3 Punkte dahoam in da Kiesgruben Arena lassn. Aiso auf a scheens Spui heid gega Greadugge 2