435 B-Klasse 5Herren

Jawoi jetz is gar. Glei zum Start zu Null und an Schid ei Kreis. Sauba Männer des is echt ein geiler Start. Starke 3 Punkte nach Forstern ghoid

Abpfiff der Begegnung

Marco Häusler (10) für Robert Geiselhöringer (13)

Marco nomoi kurz für unsare wuide 13. Aber beim Robert gehts scho wieder. Jetz Schiri pfeif ob

Jausa. Anklebreaker vom Khalil an zwoa Verteidiger. Sauba. Und jetz bring mas über de Zeit

Ah leck aiso jetz hamma an brutalen Chancenwucher. Robert haud oan an Pfosten und da Khalil so das da Keeper den no irgendwie hoidn konn. Saggra aiso wenn ma ned scho zwoa hättn dad i ja schimpfa aber zumindest hamma de Chancen. Aber macha mias mas hoid. Aber egal 3 Punkte san 3 Punkte. Sauba Männer

Und jetz werds scho rabiater. Immer wieder neigrumped wos eigentlich scho rum is. Hoff ma das sich koana weh duad

Niklas Michael (14) für Suhib Abdelghani (16)

Und jetz mit da Legenden 14 de normal i hob kimmd da Niki fürn Suhib. Sauba gwerkt und werd scho besser. Und Niki jetz auf und a Bude macha. Hau eana no oans nei

Tor durch Manuel Mavunza (15)

Oida heid is da Dog der Manus. Jetz trifft unsa zwoata Manu a no. Langer Boi und er konn hoid a nachlaffa wia a verrückter. Und sei Jubel war wirklich sau stark. Aiso der Jubel is glab i a bissl Richtung IV ganga der vorher sauba rumgschrian hod. Sau stark Jungs und jetz Ruhe bewahren. Weida so Männer

Jetz is a bissl fahrig. Zwoa drei moi gschäbad hods scho und fast an Manu Mavu komplett zlegd, aber ois guad. Jungs jetz machts des zwoate Heisl dann werd des ois ruhiger. Weida Männer

Christoph Müller (17) für Fabian Herrmann (5)

Und jetz is tatsächlich soweit. Da Chris kimmd zur Hoibzeit fürn Harry. Jetz stehn tatsächlich da Robert und da Chris zam aufm Platz. Und letztes Jahr hod da Chris an Robert no trainiert. Sauba und meace fürs Einstandsdragal

Beginn der zweiten Halbzeit

Ja aiso Stimmung is do und dad moi song leicht oghoazd. Aber werd scho wern und es laffd ganz guad. Weida so Männer. De zwoate Bude no macha dann werd des ois ruhiger

Halbzeit der Begegnung

Robert Geiselhöringer (13) für Lukas Bauer (6)

Und da Robert unsa wilde 13 kimmd fürn Bauer Luk der a wieder a bissl an seim Innenbandl. Aber werd scho wieder. Und da Robert frisch erholt ausm Urlaub konn jetz Gas gem. Auf gehts Männer

Suhib Abdelghani (16) für Marco Häusler (10)

Da Suhi is grod fürn Marco kemma dem zwickts a a wengal am Knia. Werd scho jetz neistellen und bis zur Halbzeit mauern

Ja wuid. Da Manu Mavu kimmd durch und lupftn übern Keeper. Leider 20 cm überd Lattn. Oida fast aber werd scho. Mia machan auf jeden Fall no a Heisl. Alloa durch den Push durch den ghoidn Elfer und einfach de volle Motivation. Auf gehts Jungs

Elfmeter für FC Türkgücü Erding II

Elfemeter für TürkGücü des von unserer Seitn aus ned ganz oana war aber konn ma scho gem. Aber mia ham hoid a Mauer im Tor und da Unte hoid den. Sauba Unti brutal ghoidn

Manuel Mavunza (15) für Tony Ihlenfeld (9)

Tony muas naus weil a sich weh do hod. Davor gfoult und dann irgendwos beim Schiaßn eigschossn. Saggra guade Besserung. Und nei kimmd unsa zwoata Manu kimmd nei. Gas gem Bua des baggsd du

Jetz werds scho rauer. Da Tony hod wos auf de Socken griagd und jetz a da Leon. Aber der Freistoß vom Tony segelt echt nur saggrisch knapp drüber. Weida so Männer

Tor durch Manuel Rankl (11)

Und jetz hamma uns belohnt. Sauba nausgspuid und dann fetzt da Manu in 16er das grod so staubt und schiabdn nei. Weida so Männer is a guads Tempo und echt mit Zug dabei. Sauba Jungs

Aiso da Rasen is echt hoch dasd moansd du muasd mit da Machete durchn Urwald kämpfa und an verschollenen Tempel finden wia da Indiana Jones

Ja oida der Start is wia wennsd a Mentos in a Cola neischmeißt. Brutaler Druck. Ham scho zwoa Ecken ghabt und a da Luk is a scho in 16er nei tankt. Sauba Männer. Des schaut guad aus so auf dem langa Rasen

Anpfiff der Begegnung

So heid Punktspuistart in Erding gega TürkGücü im Stadion. Alle san motiviert bis in de Haarspitzn und hoin glei de ersten 3 Punkte. Auf gehts Männer