Totopokal 2025/2026 Donau/IsarHerren

So gar is. Egal des Ergebnis. Männer war ein richtig geiler Pokalfight und a guads Spui wirklich. Ned an Kopf hänga lassn, sondern stoiz drauf sei. Des is ergebnisunabhängig a geils Spui gwesn und jeder hod ois neighaun. Berglern hod a scho ziddad. Aber ja des wars mim Pokal aber mei isso. Fokus aufd Liga und mit der Einstellung und a de Lust drauf hoin ma uns den ersten 3er. Auf gehts Fc Forstern. Auf gehts Grün

Abpfiff der Begegnung

Ja Berglern nogld no oan and Lattn. Koa Buidl und a koane Griggal oder so. Aber ja schäban duads

Tor für SV Eintracht Berglern

Ja oida wos isn des. Mia druggan wia a Weißbierschoaß und dann ausm Nix macht Berglern as 4te Heisl. Ach leck. Aber in 5 Minutn san scho mehra Heisl gfoin. Aiso Männer nomoi ois naus. Geile Leistung bis jetz und jetz nomoi Ois naus haun. Auf gehts Männer

Und wieder in da gfährlichn Zone vo Berglern a Freistoß. Samu betoniert den in de Mauer. Da Abpraller geht zum Philipp und der bringt den hohen Boi aufn Maison. Aiso schee sanft das fast a Schnee drauf liggd. Und der nimmt den o wia a junger Gott. Aber war a Duddal im Abseits

Uhh geil jetz wieder 2€ ins Phrasenschwein. Mia san am Drücker. Grod hamma eine Salve im 16er oblassn das grod so schäbad. Aber immer is a Berglerner Körperteil dazwischen, do wissn de seiba ned moi das de hom. Grod vom Hean Song. Und jetz scho wieder. Ecken und Schüsse und zack zack. Philipp kimmd fast dro und dann de Ecke kimmd a wieder schneidig nei. Ja Crunchtime um ma den Anglizismus zu verzeihen

Lukas Bauer (16) für Tony Ihlenfeld (4)

Jetz kummd Erfahrung für Allzweckwaffe. Bauer Luk bringt jetz seine geballte Erfahrung und Giftigkeit nei und da Tony unser Schweitzer Taschnmesser geht naus. Sauba Männer imma weida do geht scho no wos. Des riach i

Aiso de Grätschn is in da Zeitung gstana. Gelb fürn Berglerner weila gegan Billy scho riachd dasa do koan Stich setzt. Der Freistoß kimmd a ned schlecht. Und glei danoch gehta gega drei nei und werd wieder gfoult. Freistoß landet über am Abbroia wieder beim Billy und er schiaßd. Leider drüber. Aber oida hod der Bock heid geil

Tor für SV Eintracht Berglern

Und des wos sich in da ersten Hoibzeit zu am gmiadlichn Pokalkick odeit hod, is jetz in 10 Minuten zu am Match worn dasd zum Näglbeissn warad. Ja guad zum oschaung is scho

I kimm ausm tippen gar nimma naus. Meine Damal rachan scho wia irre. Mia kemman nah vorn und der zuckerfeine Schlenza vo uns geht leider außen an Pfostn und ned innen nei. Zefix aber werd scho

Wechsel bei FC Forstern

Und jetz is wieder a Doppelwechsl bei uns gwesn. Beziehungsweise zur Hoibzeit. Samu und Bene san nei fürn Leon und an Harry. Guad gmacht Männer sauba Gas gem und Harry hod glei am Anfang a Zeichen gsetzt aiso positiv und da Leon hod a ois grundsolide gspuid. Und jetz Samu du woasd wia da hos pfeifft und beim Bene der macht jetz die Bank hintn drinnen. Auf gehts Buam

Tor durch Andreas Ullmann (11)

Mia gems da Legende hamma gsogd. Ob an Keeper sei Lieblingseis Flutschfinger is oder da Ulla hod einfach sei oide Urkraft nausghaud und den mit 283927 kmh ins Netz. Sauba Männer weida so

Tor für SV Eintracht Berglern

Oh jeh. Grod hamma no gschmatzt dasma glei an Anschluss macha miasn. Ja des is hoid dezent nach hintn losganga. Mia songs und Berglern machts. Saggradi hä

Beginn der zweiten Halbzeit

Halbzeit der Begegnung

Dominic Masion (10) für Felix Eiermann (15)

Und kurz vor da Pause kimmd no da Maisn fürn Felix. Ja sei Präsenz hod den Boi no übers Gebälk drong. So ab ind Hoibzeit

Jau i glab der Berglerner Stürmer is scho in da Kabine. Steht alloa vorm Stef und haudn vorbei. Ja do hamma nomoi gschwitzt. Aber gleich is Hoibzeit

Puuh war echt wieder gach. Da Stef pariert nach na kurzn Unaufmerksamkeit unsererseits und dann schwoabd da Tony dazwischen und klärt koid wia a Hundeschnauzn. Sauba Männer. Und jetz nach vorn mehr Feuer

Puuh. Ja bissl wos bassiad. Stef hod grod a geile Parade nausghaud. De Ecke danoch kimmd guad, aber legda zum Glück aufd Lattn, ned drunter. Scheens gefühl wenn do ois Heimmannschaft da Boi aufdidschd. Und jetz Buam weida Gas gem und den Anschluss macha. Ihr baggds des

Aber langsam kennds ausm Schlafal auwacha. A Bussi griagds ned wia de Prinzessin im Märchen, aber saggradi jetz konzentriern und Kopf nauf

Tor für SV Eintracht Berglern

I glab do hamma kurzn Sekundnschkaf ghabt. Wuins hinten naus spuin aber dann is jeder kurz moi ned am Blods und di is Berglern do. Und ja do schäbads hoid. Schod aber mia ham no gnua Zeit Männer. Weida immer weida

Eha. Des hätt fast schiaf geh kinna. Da Außn vo Berglern nimmt an Boi aufm Flügl Volley und der draht sich scho saggrisch gfährlich Richtung langa Pfostn. Aber de Ruam vom Berglerner Stümer is zum Glück a weng zgloa dasa do no hikummd. Saggra di Männer

Ja laffd. Flutlicht an, Bier koid, griabige Leid und a Pokalspui. Auf gehts in die Kiesgrubenarena

Anpfiff der Begegnung

So heid gehts wieder auf. Heid Pokalkracher gega Berglern. Mia san wie immer motiviert bis in de Haarspitzen und deswegen gemma heid nomoi Voigas. Auf gehts Grün