FS/BJ/K-FS/M/1B-Junioren

So gar is. Mei wos soi ma song. Do hod ma einfach gmerkt wia guad de san. Aber egal Jungs trotzdem sauber kämpft und a respektable Leistung und davon ned obeziang lassn. Jeder hod ois gem und wia gsogd is a Testspui gwesn und aus Fehlern lernt ma am besten. In dem Sinne no an scheena Sonntag

Abpfiff der Begegnung

Tor für FC Schwabing U17

Ja wuid. Steht eventuell im Abseits aber des spuin mia hinten naus ja leckomio. Wenns ned geht muas der Boi einfach nausgwucht wern. Aber egal dafür is a Testspui

Firat Kepenek (3) für Varun Pabla (15)

Und da Firat kimmd fürn Varun. Guad gwerkt und jetz durchschnaufa und oba kemma. Und nächsts Moi ned zrugg ziang. Und Firat nomoi ois neihaun

Tor für FC Schwabing U17

Aiso do konnsd hoid a mim besten Willen nix macha. Da Schwabinga haudn ind Mauer und den Abpraller zirkelt er aus 20 Meter perfekt ins Greizeck. Scheene Bude a wenns weh duad

Muctar Mansaray (12) für Luca Marchesano (7)

Jetz hamma oan der vorher naus is. Da Muci kimmd fürn Luca nei. Jetz spui dei Geschwindigkeit aus und mach die Bude des geht scho no

Tor für FC Schwabing U17

Und dann foid as vierte. Ja des war lehrbuchmäßig gspuid muas ma eana lassn. Werd scho Jungs

Jessas. Do gehns durch wie a Eisbrecher in da Arktis aber zum Glück hebedns drüber

Wechsel bei FC Forstern

Mia ham zur Hoibzeit a gwechselt, aber do war i grod aufm Weg vom Wirt her. Ja des is scho a Meile. Varun und Kili san nei, aber wer naus is des woas nur da Herrgott und de Leid de no do warn

Tor für FC Schwabing U17

Und kaum gehts los kimmd a Freistoß und der werd leicht eingenickt. Beziehungsweise hodan übern Scheitel rutschen lassn ins lange Eck nei. Zefix des hods ned brauchd

Beginn der zweiten Halbzeit

Ja de Leistung vo unsare Jungs is wia a Berg. Geht steil bergauf. Aber no hamma uns ned mit am Tor belohnt. Aber werd scho schaut guad aus Männer. Und jetz machts no de Heisl. Bis glei

Halbzeit der Begegnung

Mittlerweile samma auf augenhöhe dad i moi song. Mia machans guad und langsam hamma uns a Bude verdient. Auf gehts Jungs

Timo Ganter (10) für Marlon Mischke (14)

Und jetz kimmd da Timo mit seine Slicks zum voigas gem. Naus is da Marlon für eam. Guad gwerkt bis do hi

Tor für FC Schwabing U17

Jessas. Schee gmacht aber einfache Fehler vo uns in da Abwehr. Jungs jetz anderen Gang neihaun und dann obgehts. Weida so

Tor für FC Schwabing U17

Des is jetz schnei ganga. Mia ham an Boi ned naus brochd und dann schliaßns einfach ob ins Eck. Ja mei bissl passiv vo uns aber ham ja no Zeit

So heid Testspui vo unsara B Jugend in Minga. Ja de Anfahrt is ganga aber es san hoid a wieder gnua Antn auf da Straß gwesn. De ham an Führerschein a im Lotto gwunna. Aber jetz auf gehts Buam gwinnts heid

Anpfiff der Begegnung