435 B-Klasse 5Herren

Ja wie geil. Endlich is da TuS moi wieder vorgeführt worden. Des is ein geiles Gefühl. Und jetz muas des de Erste genau so macha. Sau geil Männer #schiedei3000

Abpfiff der Begegnung

Lukas Schneider (2) für Andreas Oeller (17)

Und jetz nomoi da Schneider fürn AO. Glei is gar

Fabian Herrmann (15) für Lukas Schneider (2)

Harry is no fürn Schneider kemma. I war ned do hob an Keeper von da Ersten warmschiaßn miaßn. Auf gehts de drei Punkte ghean uns

Trinkpause

Tor durch Evans Ferkah (13)

So jetz kannd da Drops gelutscht, da Ofen aus, da Zahn gezogen und de Kuah vom Eis. Geile Ecke vom Jojo de er gegan Innenpfosten zirkelt (wos nebenbei gefühlt a 27. Moi Aluminium von uns war) und dann schiabdn da Evans nei. Sauba Männer weida so

Und dann a Boi übern Zaun ind Walachei. Meace für den Zwiggl. Weida Männer Hoibade Stund no

Johannes Undis (8) für Stephan Oeller (6)

Und dann geht da Steph naus. Der hod scho jetz an blaua Fleck auf da Wampn. Ja des hod a gschäbad vorher. Nei kimmd da Jojo. Ja mia ham herausn scho a Gaudi ghabt. Und jetz mach drin genau so a Gaudi und vernasch an Gegner. Auf gehts Männer

Tor durch Franklin Boakye (12)

Und des is eine Reaktion besser gehts ned. Mia schiam glei o und dann kimmd a Flanke auf rechts und do hoid da Franky sein Schädl hi. Entweder federt sei Afro so butterweich den Boi Richtung Tor oder er konns einfach so guad. Einfach Beides weil geil. Und der Kopfboi geht aufn langa Pfosten und prallt nei. Sau stark Männer

Tor für TuS Oberding II

Oida jetz sans wieder im Spui. Aiso da anda checkt an Ruez wegga und des is nur koa Foul wenn ma beim Rugby waradn. Samma aber ned. Und dann schoidn ma ob und de miasna nur no neischiam. Gruzefix des is ein Fehlstart saggra di

Beginn der zweiten Halbzeit

Guade erste Hoibzeit und jetz durchschnaufa und dann auf de zwoate gfrein. Bis glei

Halbzeit der Begegnung

Fix nomoi nei. Ecke und da Kopfboi geht an Pfosten und ned nei. Und dann gangaln und stebsln de Oberdinger in eanam 16er ummanand wia aufgscheichde Hena. Aber mia griang de Pille ned ins Aluminium. Weida so Männer

Meace Jojo der hod grod mei Leben gerettet auf da Bank. Do werd a Boi einagschäbad und er hod weggefaustet in bester Keeper Manier. Do schuid i da a Frühstücken. Und dann bringda no an geilen Kommentar. Der Schuss vom TuS geht irgendwo in de wilde Flora und des is hoid a Verkettung von Harmlosigkeiten. Sau stark

Tor durch Andreas Oeller (17)

Wos hobds dem Kollegen zum Essen und Dringa gem? Am Dienstag scho Traumtor und jetz is wieder brasilianisch. Schlenzt den Boi so and Lattn das der senkrecht auffe geht und dann am Pfosten aufhupft und nei geht. Is des eine geile Bude. Weida so Männer

Dreier Batterie an Ecken. Aber außer an sehenswerten Kopfboi vom Gröpp. Ja mei davo kust da a nix kaffa. A der Angriff danoch war guad. Den Klärungsversuch antizipiert da AO indem er den durch lassd und dann kimmd des lange Brot

Tor durch Evans Ferkah (13)

Ja sau stark. Ein Steckboi vom Felix do werds feicht im Hosal so geil war der. Und do machts da Evans genau richtig und legdn am Keeper vorbei und schiabdn nei. Ja sau stark und endlich belohnt. Weida so Mouna

Trinkpause. Davor miasad da Evans auf de Bude geh, aber da Verteidiger grätscht no. De Ecke hod leider nix brochd

Puuh samma guad drinnen und ham zwoa Chancen ghabt. Leider nix zählbares, aber ansehnlich is. Jetz mias mas no ummünzen. Auf gehts Grün

Ja und glei scho a guade Chance vom Evans. Kimmd guad durch, aber da Keeper is schneller am Boi. A flinka Deife is des scho

Anpfiff der Begegnung

Voike Sonntag. Spui auswärts gegan TuS in Oberding. Bestes Wetter und geiler konns ned sei. Und jetz hoin mia uns de 3 Punkte und feierns anschließend aufm Voiksfest. Auf gehts Grün