414 Kreisklasse 4Herren

Puuh des war impulsiv um Janina zu zitieren. Ja des stimmt. War echt no gach, aber um Brösel a glei no zum zitieren „Ein verdientes Unentschieden“ der 1. FC Südabrabrup gegen Holzbein Kiel. Egal hod bassd und den Punkt nehma mit. Sauba Männer

Abpfiff der Begegnung

Und ja de wos ned im Ticker von da C Jugend verstanden ham. Es war Aluminium

Und do is kurzes Raunen bei de Fans. Na saggradi oida wie geil pariert da Stef den Boi ? Ja do dropfans wia a Kieslaster so mächtig war des. Und brutal konn der si riahn. Wia a jungs Reh. Einfach geil

Wechsel bei FC Forstern

Ja ihr kennds mi alle. Es is wias is und i hob de Wechsel überseng wegam ratschn. Franky und da Bauer Luk san fürn Ali und an Niki nei kemma. Vor lauter schaung und ratschn und Gaudi und Glump und Zeig überseng

Und der Boi geht ins Nirvana, ind de Walachei und absolut in de Natur. Ja den muas oana hoin. Sonst kostets. Gehts scho Mouna. Ab in de Bergsprint ins Gebüsch

Jessas. Da Max verursacht fast an Auffahrunfall wia auf da Autobahn Richtung Gardasee. Aber da Keeper hodn und do laffd ma hoid zam. Ois guad und koana hod sich weh do. Weida Forstern immer weida

Beginn der zweiten Halbzeit

Ja sauba. Kurz vor da Hoibzeit hamma nomoi zittert, aber zitter nich. Der Freistoß war ganz guad aber hoid wia a Maß auf da Wiesn. Voi aber eigentlich nix ganz. Und deswegen issa vo Neiching übers Heisl ganga. Aiso jetz durchschnaufa und dann ab zum Wirt und a koide Hoibe

Halbzeit der Begegnung

Ja ansich echt guad. Aber i glab des machan de Trikots. Obwoi ma heid im weißen Ballett aufzaubern woidn langan scho de weißn Hosn. Und na ma sigd no koan Bremsstreifen bei oan vo de Spieler. Is echt guad zum oschaung und laffd a ois fair ob. Ach is des schee. Do schreit scho de Dicke Berta nachm Spui beim Wirt

Ja jetz hamma den erstn Einsatz vom Franky auch liebevoll Kranklin genannt. Aber nur mim Eiskoffer. Egal. Bier laffd genau so rund wia a jungs Reh. Genau so muas laffa

Ja bis jetz werd sauba gwerkt. Mi haun nei. De Neichinga haun nei. Guads Spui un schee zum oschaung. Und deswegen zwiggds eich an Koim dazua auf dann is no scheena

Anpfiff der Begegnung

So unser C Jugend hods vor gmacht jetz machts as genauso Männer. Greans Derby in da KiesgrubenArena bei Flutlicht am Freitag Omd. Wos gibts scheenas? Alle Fussball Romantiker geht as Herz grod auf. Kemmds oba und schauts eich de geile Partie o