414 Kreisklasse 4Herren

Ja blindes Huhn und so weida beim Schmoiz aber urgeil. Des Ergebnis lass ma einfach am Sonntag ausschrein am Voike. Aiso dieser Derbymittwoch hod alles geboten wosa versprocha hod. Sau geil und jetz lass ma uns a Hoibe schmecka auf de drei Punkte in da KiesgrubenArena. Sauba Männer schied ei 3000

Abpfiff der Begegnung

Tor durch Thomas Schmid (5)

Des is ein Husarenritt des Spui. Freistoß und der Boi landet irgendwie vorm Schmoiz seine Stelzen und dann wuchtet er den in de Maschen. Ja is des Geil. Und glei danoch is gar. Ja leck mi am Oasch i werd narrisch. Stark Männer

Und dann Statement Grätsche vom Tobi. Der is hoid von oidn Schlog der woas no wia ma mit nan Sans umgeht

Tor durch Leonidas Balderanos (14)

Ja bist du gelähmt wie gei war der Spielzug denn !? Ausm Lehrbuch. Malik spuid an zuckerfeinen Steckpass aufn Samu. Der geht in de Box und legdn am Keeper vorbei zrugg aufn Leo und der schiabd ei. Ja leck is des geil gwesn. Auf gehts Grün

Evans Ferkah (13) für Maximilian Faltlhauser (4)

Foite hod naus miasn weils a wengal zwickt und zwackt. Und nei kimmd da Evans. Der schoid jetz vorn wieder an Turbo ei und da Foite dahoid sich jetzad dasa wieder fit is fürn TuS am Sonntag und fürs Voike mit am scheena Frühstück

Äha der Fallrückzieher vom Coach hod so ausgschaut ois warad as letzte Gyros vegan gwesn. Oder wenns aus Styropor Schoadn gwesn warad desa in a Tsatsiki dunkd hätt. Aber da Wille zählt

Oida und dann werd da Boi von uns übern Zaun gejagt. Der hod de Schallmauer durchbrocha. Er is der schnellste Ball der Welt. Mach 10. Der fliagd immer no bis nach Tading ind Kirch. Aber do is am Kirchturm koa Doch drauf aiso bis nach Isen. Saggra des kostet

Bilale Mardi (17) für Niklas Michael (3)

Und zur Hoibzeit kimmd da Billy unser Wusler im Sturm fürn Niki. Der wuselt normal a, aber ned vorn sondern eher in da Defensive aber a do wirft er seine Grätn ummanand das jeder Flügelspieler Knoten in de Aung hod. Auf gehts Männer

Beginn der zweiten Halbzeit

So Hoibzeit. Hom am Anfang sauber grudert wia so a Olympia 8er Mannschaft bei na Regatta. Aber ham uns durch den Elfer wieder gfangd. So durchschnaufa und Bier hoin. Bis glei

Halbzeit der Begegnung

Strafstoßtor durch Tobias Keserü (6)

Ja dann geht da Samu a wengal nach Außen und werd hoid von da Ottenhofner Abprallergrätsche dawischd. Und dann geht da Tobi zum Punkt und schiabdn staubdrugga nei. Sauba Männer samma wieder dabei

Tor für DJK Ottenhofen

Ja wos soi ma song. Einfach guad gspuid und as Glück a no ghabt. Da Abpraller landet genau aufm Fuaß und er muasn nur no neischiam. Zefix des is gach Männer jetz miasds aufwacha und Gas gem. Oder a Hoibe dringa vielleicht werds dann besser

Erste fachmännische Diagnose sogd Innebandl. Guade Besserung mein Bester und u oida Kämpfer mit da richtig oidn Kraft. Wos uns ned umbringt macht uns no härter

Max Lindenblatt (16) für Andreas Ullmann (11)

Max kimmd fürn Ulla. Der hod an Boi geklärt und ohne Gegenereinwirkung hoda sich weh do. Zefix des is bitter. Guade Besserung oide Legende und unser Silberrücken. Hoff ma das nix schlimmers is und dasd boid wieder fit bist

Tor für DJK Ottenhofen

Ja leck des is ein Kackstart. Mia miasn den Boi 2637 moi scho klären, aber mach ma neda. Und dann lass mas durchelaffa und do schäbads das da de Ohren no klingeln. Saggra di. Aber zum Glück hamma no 87 Minuten

Anpfiff der Begegnung

Derbyzeit am Voike Mittwoch. In da KiesgrubenArena zur absoluten PrimeTime. Flutlichtspui gega Ottenhofen dahoam. Ja des werd a Gaudi. Beide recht verhalten in die Saison gestartet. Aber heid gemma Gas und hoin uns de drei Punkte