FS/F/L-FS/BAY/1Frauen

Ja gar is. Hod a wengal an brasilianischen Flair heid. Aber trotzdem meace an Turnerbund das do warts und a gute Heimreise an eich und de Fans. Scheens Spui und jetz beehrts no unser Elite hinter da Bar bei de Getränke das no a wengal a Flins zamkimmd. Meace eich und an scheena Omd. Und bis Samstag in Erding gega TürkGücü mit da Zwoatn und Erstn Herren. Pfiad eich und auf gehts Grün #Schiedei3000

Abpfiff der Begegnung

I entschuldig mi jetz scho wega de ganzen Wechsel de i überseng, verratscht oder einfach ned mitgriagd hob. Aber warn a baar. Egal sauba kämpft alle und i moan is da Turnerbund Brasilien und mia ham 2014 im Maracana? I woas ned, aber fühlt sich so o. Einfach guad

Tor durch Veronika Auer (11)

Und glei wieder Vroni. Aber i dad jetz song do gehn 85,82638% and Franzi. De hod sich durchtankt und Vroni hod den Abstauber gmacht. Muasd a erst, aber stark vo da Franzi. Aber ja Vroni a mächtig gmacht. Einfach schee zum oschaung

Tor durch Julia Obermeier (17)

Herausn werds gruafa wias hoid einfach immer no gruafa werd. Deissi macht de Bude. Freistoß aufs kurze Eck und ja machtn. Sauba Juli einfach bockstark. Jetz kimm i nimma mim tickern noche so vui wia de machan saggra

Tor durch Viola Leibold (7)

Und dann wieder so a sanfts Boial. Aber Vio denkt sich des mach i ned alloa do muas i no wen mitnehma. Und dann hods de Verteidigerin ogschossn und de fälscht den Boi so ob das eine Bogenlampn worn is do wo Schnee drauf ligd. Und ja a jetz im August bei 362836 Grad ligd do no Schnee drauf so lang war der in da Luft. Stark Mädls genau so

Und ja den Wechsel hob i ned aufm Schirm guabt dasd Vroni grod kemma is. Aiso d‘Auer Vroni. Unsa Tormaschine und Lupfergöttin. Richtig mächtig. Aber wer naus is des hobe grod ned aufm Schirm. Aber trotzdem geils Spui gmacht und sauba gwerkt. Weida so Mädls

Tor durch Veronika Auer (11)

Saggra war des a lässigs Heisl. Ein lupfer so sanft wia a Woikal am bayrischn Himme wenn a Kaiserwedda is. Brutal do hättst di drauf leng kinna und warasd eigschlaffa so sanft und mit Gfui war der Lupfer. Mega Heisl

Tor für TSV Turnerbund München I

So in da Hoibzeit a wengal gratscht. Aber ja ratschn is schee. Aber jetz samma wieder dabei dat is priiimmaa. Viva die Kiesgrube

Beginn der zweiten Halbzeit

Halbzeit der Begegnung

Die Elite verkaffd natürlich as Bier. A wenns no a wengal warm is, aber da Kühlschrank geht hoid ned immer zua. Aber die Elite sigd a Fehler ein. Wia das ma de Tür vom Kühlschrank zua macha muas. Aber werd scho. Bassiad de Besten

Tor für FC Forstern

Des hamma jetz wirklich ned gseng. Aber war a stark gmacht. Wia immer hoid nix andas erwartet. Aber i muas song i ratsch a grod no nebenbei. Und wichtige taktische Gespräche wega da A Jugend. Ois zwecks da Geschäftlichkeit und is hoid so. Aber schee is

Tor durch Anna Kreißl (6)

So die doppelte Anna hod zuagschlong. Saggra di des is jetz guad ganga. Hob grod aber no ratschn miasn. Aber war guad hams gsogd

Tor durch Anna Braun (27)

Anpfiff der Begegnung

So i bin heid a do. Grod no Training mit da A Jugend ghabt und tatsächlich ned aufm Schirm ghabt dasd Damen heid a no a Testspui gegan Turnerbund ham. Hätt i fast verschwitzt und jetz warads gestern nimma so hoaß gwesn. Egal jetz schauma des Spui in da KiesgrubenArena bei Flutlicht und koidem Bier. Scho schee. Auf gehts Grün