427 A-Klasse 7Herren

Des is koa Punktgewinn sonder verlorene zwoa Punkte. So ein Scheiß. Richtig unnötig. Unverdient wiad sau aber so is leider da Fuaßboi

Abpfiff der Begegnung

Tor für FC Moosinning III

Und so hods kemma miasn. Freistoß und Kopfball drinnen. So ein Dreck

Oida des warads gwesn. Benny laffd durch und köpft am Evans in Lauf. Leider Foul am Keeper

Benjamin Wall (15) für Lukas Bauer (2)

So die Legende kehrt zurück. Coach jetz machs wie in deine besten Tage und hau eana no oans nei. Bauer Luk sau stark aber heid hosd sauba auf de Socken griagd. Aber du bist einfach unkaputtbar

Julian Faltlhauser (14) für Lukas Schneider (16)

Sauba gmacht Schneider. Auf gehts Juli hau eana oan nei. Das da as Schnitzel vo da Oma verdient hosd

Da Moosinninger hod grod an neia Trick erfunden. I hob scho vui Fuasboispiele gseng aber den Vierbeiner hob i no nia gseng. Faszinierend

Ja nice. Da Schneider griagd gelb wega Foul. Mei geht scho. Aber de anschließende Gelbe vo Moosinning is no besser. Schiri schreibt no und er schiaßd an Boi. Beste Unterhaltung

Hä Auer i dad gern moi mit dir angeln geh so wie du die Bälle oberfischt. Aber de Ecke grod war grod a Köderfisch oder Regenwurm den hod er ned fanga miasn.

So und jetz no Ois Guade zum Geburtstag an Evans. Der Typ der einen Alphonso Davies im Geh oblaffa dad. Und fast hätt er sich belohnt kimmd gega 3 Leid durch und legdn quer. Leider is da Keeper dro

Aiso i glab des oanzige wos de Bauers aufhoidn konn is a Dampfwoizn, a Güterzug oder a Eisbrecher. Und sogar do gibts berechtigte Zweifel

Gibts in Moosinning an Urwoid oder wieso schrein alle wia de Affn dene d‘Banana obegfoin san? Is ja wuid do

Grod festgestellt i bin offiziell inoffizieller internationaler Hopfensommelier. Und ja es schmeckt weil da Kiosk doch no offa war. Meace Wirt de Zigarettn hamma gern obgwart

Maximilian Faltlhauser (6) für Wolfgang Wagner (4)

Foite (oid) kimmd fürn Woife. Auf gehts Buale jetz verhaftst de Stürmer

Beginn der zweiten Halbzeit

So erste Hoibzeit war mit dem Tor und de Chancen echt guad. Zwischendurch a wengal fahrig wia ma so schee sogd aber ansich bassds. Männer zwoate Hoibzeit nomoi a baar Heisl macha dann löppt der Lachs

Halbzeit der Begegnung

Jessas. Aiso gegan Foite sein Angstschrei frisch ausm Stimmbruch war ja an Magic seina a leichts Flüstern. Der lassd oan ausa do reissts glei alle. Aber do wern ma wieder wach

Grod wieder paar guade Aktionen. Und da Moosinninger rumpelt an Schiri o. Da Goaße haud oan um der doppelt so groß is. Grod gehts guad ab

Nach da Moosinninger Ecke schlogd da Auer aufn Evans. Der steckt aufn Steph durch der alloa aufn Keeper zua laffd. Da Lupfer warads gwesn. Und glei danach lassd da Magic an Kampfschrei los. Aber i glab an Stimmbruch hod er no ned ghabt. Glei danoch kimmd da Evans zum Schuss. Leider drüber. Da nächste geht scho

Geiler Antritt vom Maison über links. Er legdn quer aber da Evans hod zvui Schwung und laffd vorbei. Schade guade Aktion

Evans des is da nächste Einstand. A starker Torschuss den da Keeper leider pariert. Die Ecke danach werd wieder geklärt

Ecke für SG Buch am Buchrain / Forstern

Aiso de Ecke woidns scho zu schee macha. Aber mia ham a taktisches Abseits ghoid. Wer hats erfunden ? Da Maison. Und wie genau ? Woas er selber ned genau

Auf des Heisl gönnt sich da Foite erstmoi a Biostahl. Lass da schmecka obwoi da a Bier scho liaba warad so wie ich di kenn

Tor durch Stephan Oeller (11)

Ja geil. Ein zuckerfeiner Boi vom Woife. Da Felix tanzt auf da Auslinie wie ein Artist und lassd einen sanftn Boi in 16er. Do startet da Steph schneller ois a Nasa Rakete nei und haudn aus kurzer Distanz nei. Sau stark. As Dragal is scho koid und de erste Hoibe hod si da Steph verdient

Anpfiff der Begegnung

So liebe Freunde des kongenialen Fussballs. Heid samma in Moosinning beim Nachholnachholspui. Moi schaung. Aufd Tribüne derf ma ned aber zumindest hamma Bierbänke. Aber a Bier hättns scho verkaffa kinna. Zefix fangt ja guad o