428 A-Klasse 8Herren

Und dann is gar. Jetz überrumpelns mi scho sauba. De oana meng glei hoam und i schreib no. Mia san ned auf da Flucht dad i song. Aber ja jetz is rum und mia ham verloren. Aber da Punkt warad scho verdient gwesn. Aiso scheena Donnerstag no und gehabts eich wohl

Abpfiff der Begegnung

Tor für SV Walpertskirchen II

Ah greuzgruzenäsn. Bei uns laffds so guad und dann foid as direkte Eckentor. Wuide Partie. Do war koana mehr am Boi und der foid nei. Davor verteidigt da Leon wie ein Löwe aber mei is so

Julian Faltlhauser (18) für Johannes Scharmatinat (13)

Und da Juli kimmd nomoi fürn Jojo. Sauba gspuid Jojo a wenn du mit na leichten Unwucht rumlaffsd aber des is a verständlich nach der englischen Woche. Und jetz Juli nomoi ois neihaun

Und wieder a geiler Boi nach vorn und mia schiaßn aufs Heisl. Und zefix der geht echt fast nei. De Ecke danoch is a nix, aber de Chance war brandgefährlich

Oida den hod da Auer mit seina Aura nausgschrian. So a Oschlochboi vo da rechten Seitn und der didschd auf da Lattn auf. Brutal

Tor durch Khalil Mohammed (10)

Und da Khalil zoagd am Steph wia mas macht. Er hoggd neba mir und sogd er kannd des a. Aber macht er stark und schiabdn ins lange Eck. Sauba Jungs weida so des hoin ma uns no

Und scho wieder da Shawn. Brutal hod der no an vollen Tank. Aber zum Schluss schiaßd er und der geht saggrisch knapp drüber. Weida so Männer ham no Zeit

Wolfgang Wagner (14) für Fabian Herrmann (15)

Und da Woife kimmd fürn Harry. Sauba Harry a die Einwürfe warn bildschön. Und a sonst brutal garbad. Und jetz Woife beacker de Seitn

So mia ham wieder a riesengroße Chance ghabt aber da Verteidiger is wieder vorm Shawn. Brutal is der schnei der Kerl. Do brennt sogar da Rasen obwoi das regnet und der nos is. Sauba Junge. Woibadskirch hod a tatsächlich a Chance ghabt. Ja a munteres Spielchen

Ja leck ham mia Chancen. Langer Boi und da Shawn laffd alloa aufn Keeper zua und geht sogar an dem vorbei. Aber do is da Verteidiger do und klärt knapp am Tor vorbei zur Ecke. Aber de versandet a. Egal jetz kemmds do mach ma no wos

Khalil Mohammed (10) für Stephan Oeller (9)

Und zur Hoibzeit kimmd da Khalil fürn Steph. Aber der hod ja vor da Hoibzeit no an Sprint ogsetzt und Klassiker da Oberschenkel hod zwiggd. Aber er woid eh wechseln. Und kaputt is a nix. Auf gehts Khalil jetz ois zerwergga

Beginn der zweiten Halbzeit

Ja ham a guade erste Hoibzeit gspuid, aber Woibadskirch war hoid effizienter. Aber mia ham no Hoibzeit und dann wupp mas scho no

Halbzeit der Begegnung

Tor durch Christian Ruez (5)

Oida is der ein Freistoßspezialist. Eigentlich soid da Hanse schiaßn das ma auf Malle fliang kinna, aber da Ruez nimmt sich an Boi und haudn flach unten rechts nei. Der Freistoß war an da 16er Kante. Aber guad gmacht. Sauba Männer endlich belohnt

Tor für SV Walpertskirchen II

Und vor lauter Bier ausdringa und tickern sig ichs ned. Aber laut herausn wars Abseits und unsan ogschossn. Oida is des wuid. Mia san guad drinnen und sie san hoid leider effizient wiad Sau. 3 Chancen 3 Heisl. Aber ned untergriang lassn mia machan scho no de Bude

Tor für SV Walpertskirchen II

Ja fix Lettn. Do zündet da Außen vo Woibadsdregg an Nachbrenner und laffd einfach an jedem vorbei und leggdn oafach nei und er muasn nur no neihaun. Aber werd scho Männer mia san guad im Spui des reissn ma no

Tor für SV Walpertskirchen II

Warn so guad im Spui und dann der oane bläde Angriff. Saggra. Mia verdandln an Boi und dann schliasda ins kurze Eck ab. Ja madig. Aber mia san guad im Spui und jetz ned abreissen lassn. Weida gehts

Christian Ruez (5) für Julian Faltlhauser (18)

So und jetz kimmd da Ruez mit seim dicken Ohrwaschl. Und oba geht da Juli. Sauba glaffa Bua do griagsd scho no dei Zeit. Und da Ruez macht glei moi an guadn Kopfboi

Ja geile Aktion. Mia hoin uns an Boi hinten und schlong na vor. Do stopptn da Steph sauba nunter und legdn vorbei. Und dann laffd er alloa gegan Keeper. Aber erm versagen die Nerven und schiaßd zfria und a dudal zhoch. Aber guade Chance Männer. Stark gspuid und weida so

Aiso heid hamma de kompakteste Zentrale in da Mitte drinnen. Und mit kompakt moan i a wengal gleana. Aber bis jetz machans as guad und laffd. Aber san ja erst 10 Minuten gspuid

Anpfiff der Begegnung

Und heid glei scho as nächste Spui. Und zwar in Woibadskirch gega dene eana zwoate. Glückwunsch da Ersten schomoi zur Moastaschaft. Aber jetz hoin mia uns trotzdem no 3 Punkte