428 A-Klasse 8Herren

Aus is und gar is. Ja endlich pfeift er ob weil des warad nimma bessa worn. Aber scho ganz nett und as Wetter is a besser worn. Aber jetz is rum und lassn uns no a Bierchen schmecka. Bassd scho Männer und jetz Sonntag genießen

Abpfiff der Begegnung

Shawn Munyongani (11) für Johannes Kern (6)

Und jetz nomoi da Shawn fürn Hanse. Ja jetz nomoi ois neihaun

Dominic Masion (10) für Shawn Munyongani (11)

Und da Maison gibt sich nomoi die Ehre und kimmd fürn Shawn. Und dann a geile Parade von Auer. Der lassd heid ois aufblitzen

Oida und da Luk klärt auf da Linie mim Kopf. Brutal der Mo. Bessa konnsd as ned macha. Kopfboi und am Auer in de Pranken. Und dann fahrt er den Isner naus. Da Roli ligd wieder. Und herausn werd da Luk wieser BaLu gnannt. Den Nama hob i seit am Sterni nimma ghead

Julian Faltlhauser (18) für Johannes Scharmatinat (13)

Und da Julian is fürn Jojo kemma. So nomoi Gas gem de letzten 10 Minuten. Und Jojo deine Schuah hams grissn. Auf gehts Männer

Oida do fliag da Red Eagle. Sauba Auer. Und dann hamma wieder an Freistoß. Aber do kimmd nix naus. Aber schod das da Hias ned do is. Auf na Taufe hoda gsogd isa. Mia wissn ned wos daffd werd vielleicht a Ox oder so. Aber mei Ticker konn er ja lesen hoffentlich

Shawn Munyongani (11) für Dominic Masion (10)

Und jetz kimmd da Shawn fürn Maison. Jetz hamma wega eam a wieder an Ohrwurm. Aber aktuell schaut des ned guad aus. Mobil wia a Bleiente und Körperspannung wia a Gummibärli. Und des Spui schaut aus wia a voigschissna Damenstrumpf. Und da Auer hod sich a no weh do. Aiso jetz wern ma an Jan Koller Gedächtnis Einsatz von am Feldspieler im Kastn seng. Aber an Auer haud nix so schnei um er steht wieder

Oida schaut da Auer den ausa. Mit seiner geballten Erfahrung hod er des gseng. Gibt sogar Szenenapplaus für des guade Auge. Zurecht

Zefix jetz hamma a guade Chance ghabt, aber leider ned genutzt. Aber werd scho Männer schaut besser aus. Jetz sads im Lauf

Und mia glam da Jojo hod neie Schleich. Laut Sandra sans a hübsche Schuah. Wenn er jetz des Ausschaung no aufn Blods bringt des war a Schau. Und da Zwoara vo Isen is anscheinend a Partypumper. Oder da Ulla weil der so broad is das ma nix mehr vom Spui sigd

Stephan Oeller (9) für Andreas Oeller (17)

Und jetz gibts zur Hoibzeit an Briadawechsel. Oeller für Oeller. Auf geht Steph jetz neihaun. Und da Andi erholt sich no von seim Zamfoin. Auf gehts jetz heisln

Beginn der zweiten Halbzeit

Ja erste Hoibzeit is ned so prickelnd gwesn. Aber zumindest da Hass is do. Mia befen, da Gegner befed und da Schiri lassd sich a bissl drauf ei. Einfach schee

Halbzeit der Begegnung

Oh da AO is gebrochen. Spuid geil vor und dann zwivetsn um und do bleibt er ling. Ja der Mo is einfach hi

Tor für TSV Isen

Und dann foids. Maison Geib wega meckern und dann schäbads. Aber der war ja himmeweit im Abseits. Aber guad kemma nimma ändern. Weida macha Männer

Ja geil. Hass is do. Da Maison haud laut am Bartl eam in Hax und er gibt eam oafach a Watschn. Ja des ghead so. Und de Gschichtn vo da Hochzeit wern a mehra. Und am Himme werds a ganz schee finster. Saggra des werd wuid

Bis jetz bassiad no ned vui. Aber mia kemman eh erst hinten naus wenn da Rausch vo gestern nausgschwitzt is. Geht scho Männer

Ja bissl spada samma okemma aber eigentlich derfads no gar ned laffa. Oans hods ghoasn. Aber egal. Heid Derby gega Isen in Buach. Werd scho. Hoffentlich san alle Hochzeitla fit und motiviert. Auf gehts

Anpfiff der Begegnung