428 A-Klasse 8Herren

Ja madig. Aiso des war jetz unnötig. Der Punkt war auf jeden Fall drinnen und ja guada Eindruck war do nimma do zum Schluss. Egal mia ham in da zwoatn Hoibzeit sauba kämpft und ja. A bissl unnötig no hintnaus de Kommentare aber ja. Is jetz umme und gar. Scheena Dienstag eich no

Abpfiff der Begegnung

Rote Karte für Dominic Masion (10)

Ja des war jetz ned clever. Geht scho ruppig nei, aber rot war des ned. Gelb oder Zeitstrafe aber naja kemma nix mehr macha jetz is so. Aber a wengal sehr kleinlich is scho. Ham scho no Zeit des zum macha

Tor durch Shawn Munyongani (11)

Und da Shawn machts. Geiler Boi und da Leon werkt gega 4 Leid und stecktn durch. Und dann schwoasdn da Shawn im 16er in Winkel. Geil Männer weida so ned aufhean. Und mia machans no jetz hamma geil

Aiso jetz gehts aber mim Deife zua. Mia ham wieder a geile Chance und da Keeper hoidn im Rückwärtsfoin

Und wieder a geiler Schuss vom Shawn. Der hod heid Bock. Und davor an Maison sei Grätsche war echt Bundesliga reif. Klettham reklamiert auf Foul aber de war astrein und sauber. Spuin ja Fuaßboi und koa Hallenhalma

Ja leck. Mia kemman wieder guad vorn nei aber schiaßn hoid ned. Und da Shawn hod a die Chance aber den dauchd der echt no krass naus muas ma eam lassn. Aber schaut jetz guad nach vorne aus Männer das ma no oans schiaßn. Und Maison de Kletthamer san von deine weiten Einwürfe schomoi eigschüchtert. Jetz Männer machts as endlich

Ah zefix. Geile Flanke vom Maison und da Schneider probiert an Volley aber dann nur mim Standfuaß. Schade. Und glei danoch kimmd da Felix zum Schuss aber wieder zu mittig. Ach geh leck. Aber jetz samma guad im Spui. Weida so Männer. Und dann wieder a Flanke und da Schneider kimmd vorm Keeper zum Boi aber leider knapp drüber. Zefix Männer jetz machts de Butze

Ham a scho an Freistoß ghabt weil da Steph gfoult worn is. Mia ham kurz gmoand er is scho wieder hi, aber geht ois wieder

Johannes Scharmatinat (13) für Christian Ruez (5)

Und de Glocken ham sauba gschäbad. Da Jojo kimmd fürn Ruez nei. Werd scho wieder. Aber an sauban Abdruck hoda am Hois und Ohr. Aber des vergeht scho wieder

Beginn der zweiten Halbzeit

Öha da Ruez griagd eine Voirakten ins Gsicht. I glab der sigd grod nur a baar Sterndal. Kurz sammeln dann werds wieder. Aber der war mit Voigas gschossn

So Hoibzeit. Zum Glück muas ma song weils echt zum Schluss naus sauba fahrig war von uns. Aber werd scho ham no a Hoibzeit und dann griang ma des scho no. Und schomoi ois Top Tipp nächstes Jahr. Mia ham 80 Jahre Feier vom Fc Forstern. 18. bis 22. Juni 2026. kemmds alle vorbei, werd a Fetzngaudi

Halbzeit der Begegnung

Wechsel bei SG Buch am Buchrain / Forstern 2

Triplewechsel bei uns. Zwoamoi Oeller und da Shawn kemman nei. Naus gehn da Jojo, Woife und da Juli. Jetz hoff ma das und des bissl in Tritt bringt, weil grod samma zamgfoin wia a windschiefe Hüttn wenn oamoi a laues Lüftal geht. Aiso jetz Jungs auf gehts

Tor für SG Erding/Klettham

Ja des war jetz so unnötig wia a feichda Schoaß. Mia stehn in Überzahl hinten und trotzdem griang man ned geklärt und ja do sans hoid effizient und machans. Jetz Jungs wieder moi ind Spur kemma und ned von so Kleinigkeiten ausm Spui bringa lassn

Jetz kimmd a bissl a Stimmung nei. Mia schimpfan aber des is scho a Schmarrn. Aber Klettham gibt a ganz schee Kontra. Und dann Steckpass und im 1 gega 1 hoid den da Auer. Sauba Männer

Und do testens wieder unsere Herzn. Saggra des war knapp. Da Kletthamer kimmd aus spitzem Winkel zum Schuss und haudn an Pfosten. Und mia kennans no im letzten Moment klären. Puuh des war knapp. Darauf erstmoi an Schluck Bier

Tor für SG Erding/Klettham

Ja und dann is wia immer. Henahaufa und Spuiverständnis vo am 2 jährigen. Ja Jungs reissts eich jetz am Riemen lassds a baar Schüsse hi. Der schaut ind Sunn des is verzwickt

Ja mia ham bissl braucht. De Flaschen hob i no hoin miasn und durch Erding hamma eh scho den schnellsten Weg gewählt. Aber laffd jetz samma do und kennan bei echt guadn Wetter Fuaßboi schaun. Und kaum samma mia do lassd da Maison an ganz pasablen Schuss hi. Aiso jetz auf gehts

Anpfiff der Begegnung