428 A-Klasse 8Herren

Ja scheise. Jetz is gar. Aber mia ham no sauba druggd und echt guade Chancen usw ghabt. Leider ned belohnt Männer aber war echt a starker Kampf und guads Spui. Jetz habts eich a Bierchen verdient. Auf gehts Grün

Abpfiff der Begegnung

Und wieder flaggd oana vo de Woifganger am Boden. Aber war scho guad. Er flaggd, wui aufsteh, schaut wo da Boi is und lassd sich wieder hifoin. Des werd scho no ois nochgspuid hoff i moi. Auf gehts Männer Gas gem

Josef Schweiger (12) für Philipp Alletter (7)

Und da Seppe kimmd nomoi fürn Ali. Und glei danoch a Anweisung vom Schneider an Harry „Harry Harry. Hoids Maul“ einfach aufn Punkt brochd

Aufruhr auf da Terrasse. Da Woifganger wui an Elfer aber is koana. Do werd glei aufgsprung und gwuidad. Aber war a koana. Jetz werds nomoi a heiße Schlussphase. Auf gehts Grün

Des is a Service für de Jugend. Robert geht vorbei und griagd an Beiss vom Felix seine zwoa Burger. Des is Pflege für den geschundenen Leib. Hosd da verdient du oida Ackermoasta

Wechsel bei SG Buch am Buchrain / Forstern 2

Doppelwechsel bei uns. Sebbe und Robert gehn nau und nei kemman Harry und Woife. Auf gehts Buam nomoi nei ins Viech

Renauer sei Currywurst werd a grod gliefert. Aber bei manche Leid is ned bekannt das er Renauer hoasd. Is einfach da Torwart Stef. Aber er macht koane unnötigen Meter weil er hoid a guada Keeper is. Sauba und an Guadn

Jetz hob ichs fast verpasst. Aber de Woifganga hom nur knapp ned droffa. Und dann flaggd oana von uns do aber des werd ned gseng. Erst nachdem alle wos song werd unterbrocha. Wuid wuid

Mei is des schee herausn. Koids Bier und guads Wetter und Fuaßboi. Aber da Ulla hod grod scho überlegt wia er später hoam kimmd. Aber no muas er ned hoam. Is a Problem vom Zukunfts Ulli aber des is a guada Mo. Und da Samu betoniert sich sauba a Schnitzel mit Kasspotzn nei. Samu Spezial. Einfach drei Dog scheißn bsteid. Aber Ziaglstoana. Und dann hod tatsächlich Woifgang a guade Chance. Aber de Ecke danoch geht am Heisl vorbei. Ja saggra des war knapp

Und glei scho a Chance vom Marco. Sauba langer Boi und er kimmd zum Schuss. Leider knapp vorbei am Kasten. Aber scho a guade Annäherung. Werd scho Männer

Wechsel bei SG Buch am Buchrain / Forstern 2

Dreifachwechsel bei uns. Harry und Woife gehn naus dafür kemman da Marco und da Seppe. Und im Tor wechseln ma a. Auer geht naus und da Eicher Maxi kimmd nei. Auf gehts Buam zewerkts de Abwehr und machts de Butze

Beginn der zweiten Halbzeit

Halbzeit der Begegnung

Tor für TSV St.Wolfgang

Himmeherrgottsaggrament. Mia ham so eine starke Chance aber kemman ned zum Abschluss. Und dann kontert St Woifgang und überrumpelt uns komplett. Scheiße aber Jungs des werd scho. Ham no gnuag Zeit

Puuh war des knapp. St Woifgang schiaßd aber is im Abseits. Laut am Trainer von eana scho as 10. Tor in der Saison des obpfiffa worn is. Oft hosd a Bech

Unser Interimsttainer Duo Maison und Schneider machans echt guad. Außer das da Maison wia an Stressboi immer de Trinkflaschen hod und aussaufd. Aber mia ham scho no gnuag Wasser do. Trink nur Bua ned dasd dehydrierst

Geile Aktion. Boi kimmd durch und da Robert leitet weida. Der spuidn aufn Max der aufn Harry weidalegd. Der schiaßd aber knapp drüber. Es werd frenetisch gefeiert vo da Terrasse wo unsa erste zuaschaud. Sauba Männer

Ja grod gehts guad hin und her. Mia ham unsere Chancen aber no nix zählbares kimmd do rum. Aber werd scho Männer. Jetz dann belohnen Jungs

Grod zwoa Ecken vo Woifgang. De erste is brutal knapp drüber ganga. De zwoate is eher versandet. Aber wuid. Mia werd gsogd i kannd a Basketboi spuin, aber do feid ma de Größe. Eher beim Rollstuhlbasketball do gangads besser songs. Aber i glab sogar do dad i koan Stich macha

Alda. Der Freistoß werd kurz ausgeführt. Philipp schiaßd und da Keeper pariert. Ruez schiaßd nomoi aber werd wieder geklärt. Und auf da Linie dad i song wars Hand vom Woifganger Verteidiger. Gruzefix wieso hamma uns do ned belohnt ? Aber schaut echt guad aus unsere Vorwärtsbewegung

Geht guad los. Geile Chance vom Woife de zu na Ecke führt. Max führt aus und kimmd gar ned schlecht. St Woifgang konn mit Müh und Not klären. Aber da Philipp klärt den. Angriff vo St. Woifgang danoch geht an da Kiste vorbei. Danoch wieder geiler Lauf vom Luk. Der werd gefoult und ham an Freistoß am 16er

Anpfiff der Begegnung

So heid bei bestem Wetter spuin ma dahoam in da Kiesgrubenarena gega Woifgang. Schauma moi wos des werd. Aber Wetter is echt mehr ois mächtig