U19 (A-Jun) Kreisliga AufstiegsrundeA-Junioren

Ja gar is. Schod aber mei. Eicher hoid no an Boi und schnoizdn weg. Aber do pfeift da Schiri ob. Ja schod aber mei bassiad. Auf gehts Buam ned an Kopf hänga lassn. Werd scho wieder

Abpfiff der Begegnung

Nikita haud sich nomoi nei wia wenns koan Morgen mehr gem dad. Aber ja i glab des is glaffa. Buam jetz no sauba obaspuin und dann werd des scho. Bassd scho Jungs

Nikita Kharchenko (22) für Andreas Friedl (16)

Ja bassd eh. Da Nikita kimmd fürn Friedl. Ja sauba gwerkt. Ned so oft ins Dribbling geh sondern eher den Boi und Pass suacha, aber alles in allem ois neighaud. Und jetz Nikita muasd nomoi ois zawerka. Auf gehts

So jetz hamma wieder a Parade vom Eicher gsemg und nach vorn a ned so verkehrte Sachan. Aber do mias ma hoid konsequenter sei. Zefix Buam des werd scho no. Aber jetz am Riemen reissn und ois nei haun

Freistoß vo uns und davor a geile Chance. Do muas da Keeper scho sauba fliang. Aber sau guad Jungs des woid ma seng. Jetz Gas gem Männer

Tor für TSV Gaimersheim

Ja do fliang uns de Schuidl um de Ohren und dann a des Heisl. Des hamma verteidigt wia a laare Hosn. Burschn mehr Spannung nei und dann wieder Gas gem und Bock ham. Werd scho Manda auf gehts

Und da Keller ballert durch und kimmd aus spitzem Winkel zum Abschluss. Aber leider pariert. Und im Gegenzug baggd da Gaimersheimer an Volley zum mit da Zung schnoizn aus. Aber da Eicher is do und hodn. Sauba Männer

Andreas Friedl (16) für Niklas Michael (2)

Und da Friedl kimmd fürn Niki. Auf gehts jetz streichsd as sauba o. Und Niki sauba gwerkt und guad garbad. Hod guad ausgschaut. Koan Schnitzer und souverän gwerkt. Des is Arbad

Beginn der zweiten Halbzeit

Ja erste Hoibzeit hod guad ausgschaut. Aber hamma hoid des Bech ghabt. Oanaseits offensiv und andererseits a defensiv. Aber werd scho Männer. Ned an Kopf hänga lassn

Halbzeit der Begegnung

Tor für TSV Gaimersheim

Uiuiui. Da Eicher macht an Ausflug und steht vorm 16er wia a stoddanda Traktor. Und da anda is hoid a Zündapp. Bissl wendiger hoid. Und dann is as Heisl offa wia a Scheunentor und er muasn nur no neischiam. Zefix aber mia ham ja no a Hoibzeit. Werd scho Buam

Zefix da Strebi. Ja kimmd alloa aufs Tor und schiabdn a kontrolliert aber leider hod der Keeper an Apnoetauchgang bsuachd und geht so schnei wia der unten war hoda ned sei Richtung ändern kinna. Bisse mehr antizipieren und an Keeper ausschaung. Aber in da zwoatn Hoibzeit geht des scho

Leon Rode (15) für Tim Nagel (5)

Und da Leon is grod fürn Marv kemma. Do zwiggds irgendwo. Aber des werd scho wieder. Und da Leon der gibt do hind jetz sauba Gas und rasiert den Stürmer gegan Strich. Rostige Klinga und ohne Rasierschaum

Ja wuid. Jetz hams aber Glück ghabt. Der Keeper brutal wia der obdauchd wia so a Uboot. Aber leider dauchd er schneller und weida ob ois da Rote Oktober und hoid den Boi naus. Aber geile Chance Jungs weida so

Bis jetz plätscherts wia da Hirschboch. Hin und her aber hohe Wellen schlogds no ned. Da Optimist dad song es is sehr kontrolliert. Bassd scho Buam. Grod entschärft da Philipp an hoibhohen Boi in da Grätsche weil er sein Hax höher ois sein Kopf bringt. Und da Eicher nimmt den dankend auf. Sauba Männer

Und dann schiaßns scho wieder aber da Eicher haud eine Parade naus de ihresgleichen suachd. Sauba Bua so muas des

Saggra kemman de schnell durch. Kimmd da Querpass und der is no obgfeischd aber der Abschluss geht and Lattn und dann übern Zaun. Puuh zum Glück konn der aus 4 Meter ned dreffa. Aber ned öfter Jungs Herztabletten san Mangelware herausn

Und glei scho aufn Hax auffegsting. Aber da Philipp steckt des easy weg und schüttelt des einfach ob. Auf gehts Jungs des werd scho. Grillt werd und Bier gibts a. Wos wui ma mehra an am Samstag Omd

Anpfiff der Begegnung

So heid spuid A Jugend gega Gaimersheim. De ham scho relativ weite Anreise aber entspannt hams gsogd. Ja heid werd grillt und jetz gehts dann auf. Auf gehts Jungs 3 Punkte her