Inhalte werden geladen
Wir zeigen euch die spektakulärsten Szenen aus Bayerns Amateurfußball, jetzt reinschauen!
Halbzeit der Begegnung
Geilsinger Freistoß und drüber. Ned mehr und ned weniger
Tor für FC Langengeisling III
Is des ein Lapsus. Langer Boi und da Unte kimmd naus und schreit no. Aber allem Anschein nach zspad und dann kepfen ma am Geislinger direkt in Lauf vorm laara Tor. Saggradi. Aber mia san besser drinnen. Männer weida Gas gem dann mach ma no de Bude
Und Komet in Nachthimme vo Geisling. Kurz sigd man ned. Is a Vogel, is a Flugzeug? Na es is a Boi
Ja jetz hod da Maison wieder an Boi gwuchtet. Aiso der konn oamoi quer durchn Landkreis schmeißn. Kimmd besser wia a Flanke. Aber mia kennan leider nix draus macha. Aber guade Aktion. Mia mach ma scho no de Bude
Und dann hamma eine geile Chance und da Schneider haudn untn ins Eck. Aber Abseits. I glab do hod sich des Geislinger Dunkelblau im Nachthimme getarnt. Glab ned das der scho ausm 16er draußn war aber egal. Dann hoid da nächste Schneider
Und da Schneider hod a Bombenchance. Kannd an Keeper no frong wo ern hi ham wui. Aber der dauchd den a saggrisch gach no außa. Guad so Männer weida so
Da Geislinger spieler schreit wegam Einwurf aber nimmt sich an Boi ned. Und da Geislinger Trainer sogd nur „schrei ned sondern nimma da oafach den Boi und schmeiß“. Zum Glück is des überoi gleich ned bloß bei uns so. Und danoch bassiads und da Felix macht an foischn Einwurf. Und da Harry a. In Geisling kostet des a Goaßmaß. Do waradn manche bei uns scho arm
Ja und da proid da Geislinger am Unte ob, wia a Fliang bei 200 an da Windschutzscheim. Des war aber a klar. Do hod sogar as Aufsteh no weh do
Ja jetz hamma aus de Fehler glernt. Freistoß gega uns und mia sparrn na glei zu 5. ja besser als gar ned. Und dann kemma naus und da Geislinger macht a Mischung aus Boi oba hoin und Karatekick. Hamma Freistoß ghabt, aber do is nix draus worn. Ecke gega uns aber de versandet im Nix
Kurz moi zuagschaut hinten, aber da Geislinger schiabdn vorbei. Ja bassd kurz gachlaffa und jetz de Spannung wia beim Aufwarma und nach vorne mit da Pille
Anpfiff der Begegnung
Heid wieder Flutlichtromantik in Geisling. Schee am Mittwoch Omd zum kicken. Aber besser wia da BVB kannd mas scho macha. Und Kunstrasen is a no. Sauba kurz is der und do flutscht da Boi brutal schnei. Aber jetz auf gehts Männer
